Tramp Zialenskamu: vy nie pavažajecie ZŠA, vy pavinny być udziačnyja
Uładzimr Zialenski pryjechaŭ u Biełym dom. Padpisańnie damovy ab vykapniach čakajecca paśla abiedu ŭkrainskaj i amierykanskaj delehacyj, piša AP.
Pierad pieramovami prezidenty dźviuch krain sustrelisia z presaj.
Tramp skazaŭ Zialenskamu, što Ukraina «nie pavažaje ZŠA, pavinna być udziačnaja».
«Vy nie majecie prava dyktavać nam toje, što my budziem adčuvać. My na miažy Treciaj suśvietnaj vajny, vy nie pavažajecie ZŠA», — zajaviŭ Tramp Zialenskamu paśla taho, jak ukrainski prezident skazaŭ, što z 2014 hoda nichto nie spyniŭ Rasiju.
Tramp zaŭvažyŭ, što ZŠA hatovyja davać zbroju Ukrainie.
«Spadziajusia, šmat adpraŭlać nie pryjdziecca», — skazaŭ jon.
Prezident ZŠA dadaŭ, što jon «pasiaredzinie — i za Ukrainu, i za Rasiju».
«Ja chaču, kab usio było vyrašana. Jeŭropie i NATA treba aktyvizavacca», — adznačyŭ Tramp.
Pa słovach Zialenskaha, razvažać pra spynieńnie ahniu možna, ale heta nie pracuje. Jon zaklikaŭ ZŠA dać harantyi Vialikabrytanii i Francyi dla ŭviadzieńnia miratvorcaŭ.
Zialenski taksama pakazaŭ Trampu fota ŭkrainskich vajskoŭcaŭ paśla rasijskaha pałonu. Taksama jon pryvioz z saboj čempijonski pojas ukrainskaha baksiora Alaksandra Usika, zaŭvažyŭ «Babiel».
President Donald J. Trump welcomes Ukrainian President Volodymyr Zelenskyy to the White House pic.twitter.com/14aa5Ix2HW
Raniej tekst prajektu ramačnaha pahadnieńnia apublikavała «Ukrainskaja praŭda».
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary