Hramadstva22

Učastak pad Minskam pradali za 115 tysiač dalaraŭ — pieršy rekord hoda

U apošni dzień zimy adbyŭsia aŭkcyjon pa prodažy ziamielnych učastkaŭ u pryvatnuju ŭłasnaść hramadzian Biełarusi dla budaŭnictva žyłych damoŭ u Minskim i Słuckim rajonach.

Usiaho na aŭkcyjon byŭ prapanavany 21 łot, ź ich 14 — u Minskim rajonie i 7 — u Słuckim rajonie. U Minskim rajonie ziamielnyja ŭčastki vystavili na aŭkcyjon Kałodziščanski, Krupicki, Łašanski, Mačuliščanski, Papiarnianski i Ščomyślicki sielsaviety, piša Realt.by.

Rekardsmienami pa kolkaści zajavak stali ŭčastki, raźmieščanyja prykładna za 15 km ad Minska ŭ v. Nialidavičy Papiarnianskaha sielsavieta.

Za ziamielnyja nadzieły № 42 i № 43 zmahalisia pa 24 čałavieki, za ŭčastak № 44 — 21 čałaviek.

Usie ŭčastki majuć płošču 10 sotak, abstalavanyja elektryčnaściu, hazam i vodapravodam i byli vystaŭleny na tarhi pa adnolkavaj pačatkovaj canie — 22 000 rubloŭ kožny.

U chodzie tarhoŭ cana na ŭčastak № 42 padniałasia da 91 899 rubloŭ, abo 28 926 dalaraŭ pa kursie Nacbanka na dzień aŭkcyjonu. Košt učastku № 43 vyras da 84 100 rubloŭ, abo 26 472 dalaraŭ. Učastak № 44 vyras da 89 000 rubloŭ, abo 28 014 dalaraŭ.

Pa samaj vysokaj startavaj canie ŭdzielnikam aŭkcyjonu było prapanavana dva ŭčastki ŭ Kałodziščach. Jany majuć płošču pa 15 sotak, abstalavanyja elektryčnaściu, hazam i vodapravodam i byli acenieny ŭ 80 000 rubloŭ kožny.

Učastak na vuł. Samaćvietnaj, 101, pradadzieny za 303 800 rubloŭ, abo 95 625 dalaraŭ. Za jaho zmahalisia 7 čałaviek. Učastak na vuł. Samaćvietnaj, 103, realizavany pa takoj ža canie, heta značyć za 303 800 rubloŭ, abo 95 625 dalaraŭ. Na jaho pretendavali 8 čałaviek.

Dobrym popytam karystalisia i ŭčastki ŭ Ščomyślickim sielsaviecie. Na ŭčastak u v. Bahatyrova, što znachodzicca za 11 km ad Minska, na vuł. Mahistralnaj 10A padadziena 11 zajaŭ. Płošča ŭčastka składaje 10 sotak. Jość mahčymaść padvieści da doma elektryčnaść, haz i vadu.

Pry pačatkovaj canie 60 000 rubloŭ łot pradadzieny za 366 955 rubloŭ, abo 115 504 dalaraŭ. Heta stała rekordam hoda.

Darečy, samy darahi ŭčastak minułaha hoda byŭ pradadzieny za 101 tysiaču dalaraŭ u Baraŭlanskim sielsaviecie ŭ Laskaŭcy. Učastak u v. Haradziščy na vuł. Pieršamajskaj, 8V, maje płošču 14 sotak, abstalavany elektryčnaściu, hazam i vodapravodam i byŭ acenieny ŭ 50 000 rubloŭ. Na jaho padadziena 16 zajaŭ. Łot pradadzieny za 230 000 rubloŭ, abo 72 395 dalaraŭ.

Što tyčycca Słuckaha rajona, to popytu na ŭčastki tut nie było. Tolki na adzin ziamielny padali dźvie zajavy.

Bolš padrabiaznuju infarmacyju ab łotach i cenach prodažu ŭčastkaŭ hladzicie ŭ tablicy.

Kamientary2

  • Vyjavli pavodle zajaŭki
    01.03.2025
    >16 zajaŭ
    A PRA ŠTO jany tam zajaŭlali ŭ svaich "zajavlenijach" ? ))
  • Biednyje i niesčastnyje biełarusiki
    02.03.2025
    Praklataja kryvavaja diktatura.

Ciapier čytajuć

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj36

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Usie naviny →
Usie naviny

Barsiełonskaja Sahrada Familja ŭ nastupnym hodzie stanie najvyšejšym chryścijanskim chramam Jeŭropy2

U Biełaruś dastavili bujnuju partyju bojeprypasaŭ5

Žonka Čarli Kirka publična prabačyła zabojcu jaje muža. Tramp ź joj nie pahadziŭsia5

Kanał MZS Biełarusi abvinavaciŭ Polšču ŭ šantažy Kitaja pa ŭkazcy Vašynhtona22

Na «Dažynkach» u Vaŭkavysku Uładzimir Karanik pulaŭ kapustaj u baskietbolnaje kolca VIDEA12

Na vyzvalenych i departavanych palitviaźniaŭ sabrali 111 tysiač jeŭra — jak ich raźmiarkujuć?21

U Biełarusi chočuć uvieści padatak na bahaćcie13

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony15

Minadukacyi apublikavała pamiatku, pa kolki kletak treba adstupać u školnych sšytkach5

bolš čytanych navin
bolš łajkanych navin

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj36

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić