Daradca Trampa raskazaŭ, što było ŭčora paśla taho, jak ź Biełaha doma pierastali vieści tranślacyju
Administracyja prezidenta ZŠA Donalda Trampa adnahałosna vykazałasia za spynieńnie pieramoŭ z prezidentam Ukrainy Uładzimiram Zialenskim. Pra heta paviedamiŭ u intervju telekanału Fox News daradca prezidenta Złučanych Štataŭ pa nacyjanalnaj biaśpiecy Majk Uołc.
«U nas była narada paśla hetaj svarki… My faktyčna adnahałosna paraili prezidentu, što paśla takoj abrazy ŭ Avalnym kabiniecie my prosta nie bačym, jak možna ruchacca napierad, i luboje dalejšaje ŭzajemadziejańnie budzie krokam nazad», — skazaŭ Majk Uołc u efiry Fox News.
Uołc zajaviŭ, što, kali Zialenski ličyŭ nieabchodnym vykazać niazhodu z padychodami Trampa, jamu varta było zrabić heta za začynienymi dźviaryma, a nie publična.
Uołc taksama raskazaŭ, jak jon paviedamlaŭ pra pryniataje rašeńnie ŭkrainskaj delehacyi. Pavodle jahonych słoŭ, kiraŭnik Ofisa prezidenta Ukrainy Andrej Jarmak i ambasadarka Ukrainy ŭ ZŠA Aksana Markarava nibyta pakidali sustreču praktyčna ŭ ślazach:
«Ja skazaŭ: spadar prezident, čas tut nie na vašym baku. Čas nie na vašym baku na poli boju. Čas nie na vašym baku z punktu hledžańnia suśvietnaj situacyi. I, što samaje važnaje, dapamoha ZŠA i pamiarkoŭnaść padatkapłacielščykaŭ nie biaźmiežnyja.
Ja viedaju, što jon pryvyk čuć «kolki spatrebicca», «tak doŭha, jak spatrebicca», «pusty ček», i ZŠA nie majuć asablivaha prava hołasu. Heta toje, što jon čuŭ na praciahu mnohich hadoŭ ad Bajdena i jaho kamandy, i da jaho nie dajšło, što ŭ horadzie novy šeryf, novy prezident, i my majem namier vykarystoŭvać novy padychod da miru», — skazaŭ jon u kamientary Fox.
«I dazvolcie mnie jašče sioje-toje skazać na temu taho, što heta ŭsio było padstrojena. Heta — dakładna niapraŭda. My padrychtavali ŭschodni pakoj dla cyrymonii padpisańnia damovy abodvuma lidarami, što dazvoliła b ZŠA i Ukrainie abjadnacca ekanamična dziakujučy redkaziamielnym mietałam, jakija patrebnyja nam, i ekanamičnym inviestycyjam, u jakich majuć patrebu jany.
I heta ŭsio adbyvałasia na fonie zajaŭ premjera Vialikabrytanii Starmiera i prezidenta Francyi Makrona, jakija kazali pra adpraŭku vojskaŭ. Tak što heta realna mahło i pavinna było stać pazityŭnym momantam dla Ukrainy, paśla jakoha my praciahnuli b abmierkavańnie pytańnia z Rasijaj i pakłali b kaniec vajnie, spynili b śmierci i razbureńnie.
Ale zamiest hetaha nam stała jasna — i dumaju, mienavita heta źniervavała i navat razzłavała prezidenta — što pa Zialenskim nie vidać, što jon choča spynieńnia vajny».
Rute paraiŭ Zialenskamu znajści sposab adnavić adnosiny z Trampam
Zialenski: Kijeŭ hatovy padpisać pahadnieńnie z ZŠA ab redkaziamielnych mietałach
Tramp moža skasavać usiu dapamohu Ukrainie
Tramp: Zialenski vielmi mocna pieraacaniŭ svaje mahčymaści
Kiraŭnik Dziarždepa: Zialenski pavinien vybačycca za toje, što pieratvaryŭ pieramovy ŭ fijaska
Stenahrama rezkaj razmovy Trampa, Vensa i Zialenskaha
Kamientary