Vialikabrytanija i Francyja z Ukrainaj padrychtujuć płan «spynieńnia ahniu» i pakažuć ZŠA
Premjer-ministr Vialikabrytanii Kir Starmier zaklikaŭ «nie adychodzić ad našaj hałoŭnaj mety».
Premjer-ministr Vialikabrytanii Kir Starmier zajaviŭ, što pa vynikach razmoŭ napiaredadni jon damoviŭsia razam ź lidarami Ukrainy i Francyi padrychtavać płan «spynieńnia bajavych dziejańniaŭ», jaki zatym prezientujuć ZŠA.
Pra heta Starmier skazaŭ u efiry BBC, paviedamlaje «Jeŭrapiejskaja praŭda».
Kiraŭnik brytanskaha ŭrada, kamientujučy svarku ŭ Biełym domie pamiž Uładzimiram Zialenskim i Donaldam Trampam, zajaviŭ, što «takoje, vidavočna, nichto nie choča bačyć».
Jon nahadaŭ, što ŭčora sustreŭsia z ukrainskim prezidentam i havaryŭ z Trampam i prezidentam Francyi Emanuelem Makronam, «i majoj hałoŭnaj metaj było naładzić masty, tak by mović, i viarnuć nas da hałoŭnaha pytańnia».
«My damovilisia, što Brytanija razam z Francyjaj i, mahčyma, adnoj abo dźviuma inšymi krainami budzie pracavać z Ukrainaj nad płanam spynieńnia bajavych dziejańniaŭ, a zatym my abmiarkujem hety płan sa Złučanymi Štatami», — anansavaŭ Starmier.
Jon zaklikaŭ «nie adychodzić ad našaj hałoŭnaj mety — ustanaŭleńnia praciahłaha miru va Ukrainie».
Ukrainski prezident Uładzimir Zialenski daterminova pakinuŭ Bieły dom u piatnicu 28 lutaha paśla svarki z Donaldam Trampam i vice-prezidentam Džej Dzi Viensam.
Padčas sustrečy z Uładzimiram Zialenskim u subotu Starmier zapeŭniŭ, što Brytanija budzie i dalej padtrymlivać Ukrainy «stolki, kolki budzie nieabchodna», i niepachisna i rašuča nastrojenaja na toje, kab dasiahnuć ustojlivaha miru.
«Tramp i Vens chacieli prynizić Zialenskaha. Voś čamu jany zładzili pramuju tranślacyju hetaha vidovišča»
Krainy Bałtyi niezadavolenyja, što ich nie zaprasili na samit pa Ukrainie ŭ Łondanie
Jak adreahavała biełaruskaje hramadstva i prapahandysty na svarku Trampa i Zialenskaha
Stenahrama rezkaj razmovy Trampa, Vensa i Zialenskaha
Kamientary
Tak čaho my tut čas marnujem: dzialicie suśviet na try ŭpłyvovych krainy - ZŠA , maskaloŭ, Kitaj