Вялікабрытанія і Францыя з Украінай падрыхтуюць план «спынення агню» і пакажуць ЗША
Прэм'ер-міністр Вялікабрытаніі Кір Стармер заклікаў «не адыходзіць ад нашай галоўнай мэты».
Прэм'ер-міністр Вялікабрытаніі Кір Стармер заявіў, што па выніках размоў напярэдадні ён дамовіўся разам з лідарамі Украіны і Францыі падрыхтаваць план «спынення баявых дзеянняў», які затым прэзентуюць ЗША.
Пра гэта Стармер сказаў у эфіры BBC, паведамляе «Еўрапейская праўда».
Кіраўнік брытанскага ўрада, каментуючы сварку ў Белым доме паміж Уладзімірам Зяленскім і Дональдам Трампам, заявіў, што «такое, відавочна, ніхто не хоча бачыць».
Ён нагадаў, што ўчора сустрэўся з украінскім прэзідэнтам і гаварыў з Трампам і прэзідэнтам Францыі Эмануэлем Макронам, «і маёй галоўнай мэтай было наладзіць масты, так бы мовіць, і вярнуць нас да галоўнага пытання».
«Мы дамовіліся, што Брытанія разам з Францыяй і, магчыма, адной або дзвюма іншымі краінамі будзе працаваць з Украінай над планам спынення баявых дзеянняў, а затым мы абмяркуем гэты план са Злучанымі Штатамі», — анансаваў Стармер.
Ён заклікаў «не адыходзіць ад нашай галоўнай мэты — устанаўлення працяглага міру ва Украіне».
Украінскі прэзідэнт Уладзімір Зяленскі датэрмінова пакінуў Белы дом у пятніцу 28 лютага пасля сваркі з Дональдам Трампам і віцэ-прэзідэнтам Джэй Дзі Венсам.
Падчас сустрэчы з Уладзімірам Зяленскім у суботу Стармер запэўніў, што Брытанія будзе і далей падтрымліваць Украіны «столькі, колькі будзе неабходна», і непахісна і рашуча настроеная на тое, каб дасягнуць устойлівага міру.
«Трамп і Вэнс хацелі прынізіць Зяленскага. Вось чаму яны зладзілі прамую трансляцыю гэтага відовішча»
Краіны Балтыі незадаволеныя, што іх не запрасілі на саміт па Украіне ў Лондане
Як адрэагавала беларускае грамадства і прапагандысты на сварку Трампа і Зяленскага
Стэнаграма рэзкай размовы Трампа, Вэнса і Зяленскага
Дзмітрый Лукашэнка хоча паставіць пад кантроль усе мабільныя тэлефоны11
Каментары
Так чаго мы тут час марнуем: дзяліце сусвет на тры ўплывовых краіны - ЗША , маскалёў, Кітай