«Tramp i Vens chacieli prynizić Zialenskaha. Voś čamu jany zładzili pramuju tranślacyju hetaha vidovišča»
Tramp i Vens «zavabili Zialenskaha ŭ pastku». Ekśpierty pa-raniejšamu šukajuć adkazy, što ž adbyłosia ŭ Biełym domie pamiž lidarami ZŠA i Ukrainy.
Sustreča prezidenta ZŠA Donalda Trampa z Uładzimiram Zialenskim u Avalnym kabiniecie stała hučnym skandałam. Mnohija analityki ŭ zachodnich krainach upeŭnienyja, što heta była zahadzia spłanavanaja akcyja, meta jakoj była ŭ publičnym prynižeńni ŭkrainskaha lidara, piša Bild.
U pryvatnaści, prafiesar mižnarodnaj palityki Tomas Jehier miarkuje, što «skandał byŭ insceniravany», a Vašynhton z samaha pačatku rychtavaŭ Zialenskamu pastku.
Adnym z hałoŭnych dziejnych asob staŭ Džej Dzi Vens — vice-prezident i najbližejšy paplečnik Trampa. Jaho žorstkija vykazvańni na Miunchienskaj kanfierencyi pa biaśpiecy raniej užo vyklikali abureńnie ŭ Jeŭropie.
«Tramp i Vens chacieli prynizić Zialenskaha. Voś čamu jany zładzili pramuju tranślacyju hetaha vidovišča. Spačatku jany jaho dražnili, a potym ukusili», — adznačyŭ Jehier u razmovie z BILD.
U jakaści prynady, pavodle jaho słoŭ, vykarystoŭvałasia mahčymaje pahadnieńnie z Ukrainaj pa pastaŭkach redkaziamielnych mietałaŭ, ale, pa słovach ekśpierta, sapraŭdnaj metaj było pavyšeńnie ŭzroŭniu padtrymki prarasijskaha kursu Trampa ŭ ZŠA.
Tramp, miarkuje Jehier, sprabuje pierakanać amierykancaŭ, što Ukraina «niavartaja» dalejšaj dapamohi, bo nibyta pavodzić siabie niaŭdziačna. Pakul hetaja ideja sustrakaje supraciŭ u ZŠA, ale siarod prychilnikaŭ Trampa ŭžo vyklikaje zachapleńnie.
«Tramp u ciapierašni čas padryvaje daminujučaje stanovišča ZŠA ŭ mižnarodnaj palitycy. Ale jon adšturchnuŭ ad siabie ŭsich chaŭruśnikaŭ, jakich Złučanyja Štaty nabyli za apošnija 80 hadoŭ», — dadaŭ Jehier.
Pakul što Tramp upeŭniena idzie pa šlachu zbližeńnia z Uładzimiram Pucinym, ale Jehier skieptyčna aceńvaje jaho pierśpiektyvy.
«Tramp miarkuje, što znajšoŭ u Pucinie siabra, ale toj jaho prosta vykarystoŭvaje», — padkreśliŭ ekspert.
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary