U Babrujsku druhi raz za tydzień źmianiajecca cana prajezdu ŭ maršrutkach. Ale hetym razam tańnieje
Na praciahu šaści dzion pačynajučy z 1 sakavika haradskija maršrutnyja taksi vazili pasažyraŭ pa novym taryfie — 1 rubiel 80 kapiejek.
Adnak užo ŭ piatnicu, 7 sakavika, na maršrutkach źjavilisia novyja stykiery z canoj — 1 rubiel 60 kapiejek.
Maršruty №40, 52, 56 i jašče niekalki vyjšli na liniju z novaj canoj, piša komkur.info.
Jak raspaviali partału kiroŭcy mikraaŭtobusaŭ, takoje rašeńnie napiaredadni pryniali pieravozčyki. Na pytańnie, jak doŭha pratrymajecca hety košt, jany adzinadušna adkazali — miesiac.
Pavodle ich słoŭ, z krasavika prajezd pavinien padaražeć jašče na 10 kapiejek.
Padaražańnie 1 sakavika nie zakranuła čatyry maršruty — №6, 13, 18, 51.
Na praciahu minułaha tydnia pieravozčyki na hetych linijach nie mianiali taryf, jaki zastavaŭsia na ŭzroŭni 1,5 rubla za pajezdku. Adnak adznačajecca, što i hetyja maršruty padaražajuć.
Pieravozčyki čakajuć pavyšeńnia cany na prajezd u hramadskim transparcie, kab novaja suma prajezdu na maršrutcy mieła abhruntavańnie.
Kamientary