35‑hadovuju ajcišnicu z Bresta asudzili za palityku. Chutčej za ŭsio, pa spravie Hajuna
Alena Kulikova pracavała ŭ kampanii Kernelics i zajmałasia teściravańniem prahramnaha zabieśpiačeńnia.
Alena naradziłasia 26 lipienia 1990 hoda ŭ Breście. Skončyła miascovyja škołu №9, himnaziju №1 i abłasny licej imia Mašerava. Vyšejšuju adukacyju atrymała ŭ Biełaruskim handlova-ekanamičnym univiersitecie spažyvieckaj kaapieracyi pa śpiecyjalnaści «infarmacyjna-vyličalnyja sistemy», jaki skončyła ŭ 2014-m.
Alena trapiła na raźmierkavańnie sistemnym administrataram u Drybinskaje rajonnajo spažyvieckaje tavarystva, dzie pracavała ŭ 2014—2016 hadach. Paźniej jana viarnułasia ŭ Brest i pierajšła ŭ IT-śfieru: amal čatyry hady adpracavała QA-inžynieram u kampanii Tectus Media. Apošnija piać hadoŭ Alena pracavała addalena ŭ kampanii Kernelics na pazicyi QA Specialist.
Jana cikavicca rok-muzykaj, u pryvatnaści, tvorčaściu hurta Neverlove, pra jaki šmat pisała. Asabliva Alena lubić katoŭ: ratavała ich i rehularna dzialiłasia karcinkami z katami. Jašče Alena viaža cacki dla siabie i siabroŭ.
Kulikova źnikła ŭ červieni 2025 hoda i viarnułasia anłajn tolki ŭ kancy śniežnia 2025-ha. Vierahodna, jaje trymali ŭ SIZA da suda.
Alenu Kulikovu asudzili ŭ Bresckim abłasnym sudzie. Joj inkryminavali častki 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści».
Dziaŭčynie prysudzili «chatniuju chimiju», ale dakładny prysud nieviadomy. Imavierna, pieraśled źviazany sa spravaj Hajuna.
«Naša Niva» — bastyjon biełaruščyny
PADTRYMAĆ24‑hadovuju fatohrafku-animalistku i vieterynarku z Homiela asudzili za paklop na Łukašenku i pa «narodnym» artykule
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
Kali heta nie tak, to sam vynik i dziejańni, jakija da jaho pryviali, vyklikajuć šerah surjoznych pytańniaŭ da arhanizataraŭ:
1. Pytańnie biaśpieki ŭsiaho prajekta.
2. Pytańnie śviadomaści i ŭzroŭniu adkaznaści arhanizataraŭ.
3. Pytańnie ich kahnityŭnych zdolnaściaŭ i zdolnaści aceńvać ryzyki.
I apošniaje, ale, mahčyma, samaje važnaje pytańnie — heta pytańnie adkaznaści za vynik.
Chto paniasie adkaznaść za zatrymańni, turemnyja terminy i złamanyja losy?
Hetaja adkaznaść pavinna isnavać. Navat kali ciapier, va ŭmovach vyhnańnia, jaje niemahčyma realizavać, pra jaje nielha zabyvać. U budučyni, kali źjavicca mahčymaść dziejničać u pravavym poli Respubliki Biełaruś, nieabchodna pravieści hruntoŭnaje rasśledavańnie i pryciahnuć vinavatych da adkaznaści.
Bo havorka idzie pra adkaznaść za losy inšych ludziej. A spraviadlivaść pavinna pracavać u dačynieńni da abodvuch bakoŭ — jak da łukašystaŭ, tak i da demakrataŭ. Takoje nielha spuskać na tarmazach, bo jość achviary, jakim pryjdziecca zazirnuć u vočy.