U niekatorych minskich kramach źjaviłasia kitajskaja harełka, košt jakoj prosta zaškalvaje. Za paŭlitrovuju butelku treba zapłacić bolš za tysiaču rubloŭ, piša Tochka.by.
Cana za butelku kitajskaj harełki (paŭlitra) — 1257,60 rubla. Moc napoju — 53%.
Hetu harełku robiać ź miascovaj kitajskaj pšanicy i sorha — travianistaj raśliny siamiejstva złakavych. Asablivaja fiška — vada z hornaj raki. Śćviardžajecca, što recept harełki nie mianiaŭsia na praciahu 2000 hadoŭ.
Sakret taksama ŭ admysłovym tempieraturnym režymie, vilhotnym klimacie i hlebie.
Praces vyrabu harełki praciahły. Pieršy etap raściahvajecca na vosiem-dzieviać miesiacaŭ. U hety pieryjad u katły dvojčy zasypajuć zbožža, jakoje brodzić na praciahu miesiaca. Zatym idzie praces dystylacyi. Tak paŭtarajecca vosiem razoŭ.
Atrymany napoj minimum na try hady źmiaščajuć u sklep. Paśla čaho znoŭ šmatrazovaje zakisańnie, pierahonka i praciahłaja vytrymka. Pierš čym atrymajecca toje, što prydumali staražytnyja kitajcy, pavinna prajści piać, a to i šeść hadoŭ.
Za miežy Kitaja napoj trapiŭ u 1915 hodzie, kali jaho pryvieźli na suśvietny kirmaš u Panamu.
Kamientary