Markaŭ: «Zamirycca» — heta kavarnaja taktyka Zachadu, jany chočuć lehalizavać novyja ŚMI pad vyhladam kanstruktyŭnych
«Ad nas nie adstanuć. Ale sistema kantrolu naładžana», — zajaviŭ ministr infarmacyi. Ź jaho słoŭ vynikaje, što ŭłady nie majuć namieru admaŭlacca ad tatalitaryzmu.
Niekalki dzion tamu ŭ svajoj prahramie «Markov. Ničieho ličnoho» padčas razmovy z hałoŭnym redaktaram vydavieckaha doma «Biełaruś siehodnia» Dźmitryjem Žukom ministr infarmacyi Marat Markaŭ zajaviŭ, što da vybaraŭ 2030 hoda Zachad znoŭ płanuje razhajdać situacyju ŭ Biełarusi i źbiraje dla hetaha siły i srodki.
Siońnia aficyjny telehram-kanał Ministerstva infarmacyi apublikavaŭ pašyranaje tłumačeńnie pazicyi ministra ŭ vyhladzie adkazu na pytańnie hledača prahramy: «Vy realna dumajecie, što ŭ ich zastałasia dla hetaha elektaralnaja baza? Ci raźlik tolki na «taktyku zamirycca» i padmanuć i raskałoć elity?»
Svoj adkaz Markaŭ pačaŭ z zaŭvahi pra vydatnuju ekanamičnuju situacyju: ekanomika Biełarusi raście, a siaredni pamier zarobku i piensii — maksimalny za ŭvieś pieryjad niezaležnaści.
Što tyčycca padziej 2020‑ha hoda, to ministr davodzić, što režym uratavała toje, što «nie ŭdałosia na emocyjach padniać na pratesty pracoŭnyja kalektyvy i raskałoć elity i siłavikoŭ».
«Chtości potym źjechaŭ, chtości sieŭ, kahości pakul praniesła… — kaža Markaŭ ab praciŭnikach dyktatury. — Ale sistema kantrolu naładžana. I prymaŭka pra adnaho bitaha ŭ adnosinach da ŭmacavańnia ŭłady aktualnaja i vidavočnaja», — pahražaje čynoŭnik.
Što tyčycca budučyni, Markaŭ upeŭnieny, što «ad nas nie adstanuć» i Zachad u adnosinach da Biełarusi pasprabuje «lehalizavać novyja hramadskija inicyjatyvy i ŚMI «pad vyhladam kanstruktyŭnych».
Markaŭ pieraścierahaje: spadziavacca na łajalnaść nasielnictva niedastatkova, bo los dziaržaŭ časta vyrašajuć nie narodnyja masy, a zhurtavanyja i matyvavanyja hrupoŭki.
Jon padkreśliŭ «niespraviadlivy, ale biassprečny fakt»: uładu zaŭsiody i ŭsiudy źmianiaje aktyŭnaja mienšaść pry pasiŭnym nazirańni bolšaści. Kab padmacavać papiaredžańnie pra niebiaśpieku navat niešmatlikich aktyŭnych hrup, čynoŭnik źviarnuŭsia da historyi, nahadaŭšy pra kolkaść balšavikoŭ u 1917‑m i ŭdzielnikaŭ Majdanu ŭ 2014-m. Mienavita z hetych prykładaŭ, na dumku ministra, treba rabić «pravilnyja vysnovy».
Nie abminuŭ uvahaj Markaŭ i novyja pahrozy, źviazanyja z vykarystańniem «infainstrumientaŭ».
«U 2020‑m hodzie na nas vyprabavali absalutna novyja infarmacyjnyja technałohii, niesuvymiernyja pa ŭkładańniach pamieram krainy i nasielnictvu», — śćviardžaje prapahandyst i zaŭvažaje, što ŭ toj čas jašče nie było štučnaha intelektu.
«Chto pieraškadžaje našym apanientam pastavić novy šmatmiljardny infarmacyjny ekśpierymient?» — zaścierahaje łukašystaŭ Marat Markaŭ.
Masavyja palityčnyja represii ŭ Biełarusi praciahvajucca z 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali masavyja represii. Sotni tysiač biełarusaŭ byli vymušanyja pakinuć krainu, kala 150 tysiač stali achviarami kryminalnaha i administracyjnaha pieraśledu.
* * *
Łukašysty zmahajucca ź niezaležnymi ŚMI, a vy možacie padtrymać našu pracu. Kali vy pracujecie ŭ Polščy abo Litvie, to dla vas heta nie budzie kaštavać ani centa vašych hrošaj.
Vy prosta pieranakirujecie 1,2—1,5% ad užo spłačanaha vami padachodnaha padatku pry padačy abaviazkovaj padatkovaj dekłaracyi.
Voś padrabiaznaja instrukcyja, jak zrabić heta ŭ Polščy. Kali vy pracujecie ŭ Litvie, to vam siudy.
Ministerstva infarmacyi padpisała pahadnieńnie z BPC. Buduć razam zmahacca sa źniešnimi ŭpłyvami na duchoŭnaść
Ministr Markaŭ zajaviŭ, što da 2020 hoda jany ciarpieli niezaležnyja miedyja, a ciapier nadzvyčaj patrebna cenzura
Markaŭ zajaviŭ, što aŭdytoryja dziaržaŭnych ŚMI ŭ internecie vyrasła kałasalna
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary
________________
Ruskamoŭny błohier Siaroža heta i jeść zvyštechnałohii???? )))))
Fakt.
2. "Zachad ... pasprabuje «lehalizavać novyja hramadskija inicyjatyvy i ŚMI «pad vyhladam kanstruktyŭnych»"
A heta ich razumieńnie idej častki emihracyi viarnucca ŭ 2019-y, Biełaruś choć ź niejkimi hramadzianskimi inicyjatyvami. Naiŭnych idej. I pačujcie choć hetaje mierkavańnie z taho boku. Jany bityja, nijakaj samaarhanizacyi ŭžo nie dapuściać.
3. Durnavatyja tut tolki zaležny stan i kanśpirałohija vatnika: "Zachad pasprabuje", "na nas vyprabavali", "pastaviać novy ekśpierymient".
Jany tak i nie zrazumieli, što ahulnaha centra kiraŭnictva ludźmi nie było i niama. Aktyŭnaść u sacsietkach rasła naturalna, nie pa kamandzie. I novyja hramadzianskija inicyjatyvy ludzi žadajuć stvarać, bo heta naturalna dla aktyŭnych ludziej.
Vykanaŭcy z kvadratnymi mazhami nijak nie mohuć zrazumieć inšy typ ludziej, z pavierchami piramidy Masłoŭ bolš adnaho. (Mabyć, i dobra: mienš razumiejuć, značyć, mienš mohuć pradkazać).