Tramp zajaviŭ, što ŭ Rasii taksama «niama kartaŭ» dla viadzieńnia pieramoŭ
Prezident ZŠA Donald Tramp znoŭ zajaviŭ, što treba pakłaści kaniec vajnie Rasii suprać Ukrainy. Pry hetym jon ličyć, što ni Ukraina, ni Rasija «nie majuć kartaŭ» dla viadzieńnia pieramoŭ, piša «Jeŭrapiejskaja praŭda».
«Viedajecie, ja kazaŭ, što ŭ ich [va Ukrainy] niama kartaŭ. Ni ŭ kaho na samaj spravie niama kartaŭ. U Rasii niama kartaŭ… Što vam treba zrabić, dyk heta zaklučyć pahadnieńnie i spynić zabojstvy. Heta biessensoŭnaja vajna, i my źbirajemsia jaje spynić», — skazaŭ Tramp žurnalistam na borcie samalota.
Jon taksama spadziajecca, što padčas pieramoŭ ukrainskaj i amierykanskaj delehacyj u Saudaŭskaj Aravii na hetym tydni atrymajecca dasiahnuć «dobraha vyniku».
«Dumaju, u nas budzie dobry vynik u Saudaŭskaj Aravii. Ja liču, što niekatoryja vielmi važnyja rečy mohuć adbycca na hetym tydni», — skazaŭ prezident ZŠA.
Jon upeŭnieny, što Ukraina padpiša z ZŠA pahadnieńnie ab vykapniach.
«My chočam, kab jany [ukraincy] imknulisia da miru prosta ciapier u toj miery, u jakoj pavinny. Dumaju, ciapier jany hetaha nie zrabili. Na praciahu nastupnych dvuch-troch dzion stanie zrazumieła».
Taksama Tramp zajaviŭ, što ZŠA razhladajuć mahčymaść źniaćcia paŭzy ŭ pieradačy Ukrainie raźviedvalnych danych.
«My amal vyrašyli [źniać paŭzu]. Ja maju na ŭvazie, što my sapraŭdy amal vyrašyli», — skazaŭ jon.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady1
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary