«Nie pojdzie na karyść prusaku». MZS Ukrainy adreahavaŭ na słovy Łukašenki pra Zialenskaha
Pres-sakratar ukrainskaha dypłamatyčnaha viedamstva nahadaŭ, što biełaruskamu kiraŭniku nie na karyść pierachod u śfieru entamałohii.
Napiaredadni Alaksandr Łukašenka ŭ intervju rasijskaj prapahandzie, havoračy pra svajo staŭleńnie da Uładzimira Zialenskaha, zajaviŭ: «Vałodzia jak syn mnie byŭ, ale pastupiŭ jak hnida».
Na čarhovuju abrazu ŭ bok ukrainskaha prezidenta adreahavaŭ aficyjny pradstaŭnik MZS Ukrainy Hieorhij Cichi, pracytavaŭšy navinu na «Našaj Nivie».
«Abrazy ŭ adras kiraŭnika ŭkrainskaj dziaržavy niedapuščalnyja, asabliva z boku saŭdzielnika złačynstva ahresii suprać Ukrainy.
Da taho ž pierachod u śfieru entamałohii dakładna nie pojdzie na karyść prusaku».
Łozunh «Stop tarakan!» prydumaŭ błohier Siarhiej Cichanoŭski padčas prezidenckaj kampanii 2020 hoda. Cichanoŭski adznačaŭ, što Łukašenka padobny da hieroja kazki «Tarakanišča» svaimi kuścistymi vusami. Błohier zaklikaŭ prychodzić na pikiety z tapačkami, kab «prystuknuć tarakana». Paźniej łozunh nieadnarazova skandavaŭsia na pikietach i akcyjach pratestu.
«Naša Niva» — bastyjon biełaruščyny
PADTRYMAĆCiapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»17
Kamientary
Takije vot vriemiennyje paradoksy.