Brend taksi Maxim patłumačyŭ, što značyć vyklučeńnie jahonaha dyśpietčara z rejestra
Dniami źjaviłasia infarmacyja, što za parušeńnie zakanadaŭstva z rejestra aŭtamabilnych pieravozak pasažyraŭ upieršyniu vyklučany dyśpietčar taksi. Jon pracavaŭ z brendam Maxim. Akramia taho, transpartnaja inśpiekcyja vyrašyła abmiežavać dostup da internet-resursu taximaxim.by. Adnak infarmacyjnaja sistema Maxim nie była vyklučanaja z rehistra sistem i resursaŭ, paviedamili pradstaŭniki brenda.
«Praceduru vyklučeńnia z rejestra dyśpietčaraŭ užyli da našaha frančajzi-partniora. Brend «Maksim» zastaniecca pracavać na rynku Biełarusi paśla źniaćcia błakavańniaŭ infarmacyjnych resursaŭ, jakija byli ažyćcioŭlenyja z parušeńniem pravavych normaŭ», — zajavili ŭ kampanii.
Pradstaŭniki brenda patłumačyli, što rejestr dyśpietčaraŭ i rehistr sistem — dva roznyja ŭlikovyja resursy. U rejestry dyśpietčaraŭ znachodziacca dyśpietčary, jakija ažyćciaŭlajuć funkcyju pieradačy zakazaŭ. U rehistry infarmacyjnych sistem znachodziacca sistemy, jakija apracoŭvajuć bazy danych.
«Maksim» źjaŭlajecca vyklučna ŭładalnikam infarmacyjnaj sistemy, a funkcyi dyśpietčara vykonvaŭ frančajzi-partnior.
U kampanii taksama ličać, što «Maksim» nie ździajśniaŭ parušeńniaŭ, jakija mahli b stać padstavaj dla błakavańnia infarmacyjnaj sistemy. Servis zachoŭvaŭ i apracoŭvaŭ infarmacyju ŭ ramkach zakanadaŭstva.
Błakavańnie infarmacyjnych resursaŭ było praviedziena ŭ adnabakovym paradku, «Maksim» nie atrymlivaŭ apaviaščeńnia. U vyniku servis budzie abskardžvać rašeńnie, a dyśpietčaram hatovy vystupić inšy frančajzi-partnior, jaki abaviazvajecca vykonvać usie patrabavańni.
«Naša meta — jak maha chutčej adnavić mahčymaść zakazu pajezdak dla žycharoŭ Biełarusi i viarnuć krynicu dachodu dla lehalnych pieravozčykaŭ», — dadali ŭ kampanii.
Ciapier čytajuć
Dzie naradzilisia viadomyja biełarusy? Bolš za dziesiać tysiač asob sabrali na adnoj karcie4
Kamientary