A dostup da sajta pieravozčyka abmiežavali.
Z Rejestra aŭtamabilnych pieravozak pasažyraŭ, jaki dziejničaje ŭ Biełarusi z 1 listapada 2024 hoda, byŭ vyklučany dyśpietčar taksi Maxim, jaki pracavaŭ u bujnych haradach i abłasnych centrach za vyklučeńniem Minska.
Pieršy namieśnik načalnika transpartnaj inśpiekcyi Ministerstva transpartu i kamunikacyj Juryj Kaściuk paviedamiŭ, što heta pieršy taki vypadak u Biełarusi, i patłumačyŭ pryčyny takoj kardynalnaj miery.
Z rejestra dyśpietčara taksi Maxim vyklučyli «za parušeńnie zakanadaŭstva ŭ śfiery nierehularnych pieravozak pasažyraŭ», paśla čaho Transpartnaja inśpiekcyja taksama pryniała rašeńnie abmiežavać dostup da internet-resursu kampanii — taximaxim.by.
Pavodle ŭkaza «Ab aŭtamabilnych pieravozkach pasažyraŭ», z 1 listapada 2024 hoda kiroŭcam i pieravozčykam zabaraniajecca pracavać u Biełarusi biez uklučeńnia ŭ rejestr aŭtamabilnych pieravozak pasažyraŭ u nierehularnych znosinach. Kab trapić u hety rejestr, kiroŭcy taksi pavinny prajści kursy pavyšeńnia kvalifikacyi i vykanać šerah patrabavańniaŭ, u tym liku pa abstalavańni svajho aŭto i arhanizacyi pieravozak pasažyraŭ.
Pavodle źviestak partała «Smartpres», pryčynaj vyklučeńnia słužby taksi Maxim z rejestra stali «šmatlikija fakty pieradačy zakazaŭ kiroŭcam-nielehałam».
Pad «nielehałami» ŭ dadzienym vypadku majucca na ŭvazie taksisty, jakija aficyjna nie zarehistravanyja jak indyvidualnyja pradprymalniki, nie pracujuć u štacie aficyjnych pieravozčykaŭ i nie ŭklučanyja ŭ dziaržaŭny rejestr.
Hetyja kiroŭcy nie płaciać padatki z atrymanaj vyručki, što źjaŭlajecca hrubym parušeńniem padatkovaha zakanadaŭstva i moža ličycca niezakonnaj pradprymalnickaj dziejnaściu.
Supracoŭnictva z takimi kiroŭcami, niekatorych ź jakich raniej užo pryciahvali da adkaznaści za nielehalnuju pracu taksistami, pa słovach Kaściuka, i stała pryčynaj sudovaha razboru z samim dyśpietčaram. U vyniku ekanamičny sud Homielskaj vobłaści aštrafavaŭ dyśpietčara, jaki vykarystoŭvaŭ elektronnuju sistemu Maxim, «za niezakonnuju pradprymalnickuju dziejnaść», a taksama kanfiskavaŭ častku niezakonna atrymanaha prybytku.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary
Taksoŭka Maksim i padobnyja