Pavodle papiaredniaj acenki, za pieršyja dva miesiacy hetaha hoda vałavy ŭnutrany pradukt Biełarusi vyras na 3,1% u paraŭnańni z anałahičnym pieryjadam minułaha hoda. Jak paviedamili ŭ Biełstacie, abjom VUP u biahučych cenach u studzieni-lutym skłaŭ 38,7 młrd rubloŭ.

Indeks-deflatar VUP za dva pieršyja miesiacy hetaha hoda adnosna taho ž pieryjadu minułaha hoda skłaŭ 106,8%.
Zhodna z danymi Biełstata, u studzieni VUP Biełarusi vyras na 3,7% u paraŭnańni sa studzieniem 2024 hoda. Heta na 0,3% nižej, čym pavodle vynikaŭ minułaha hoda.
Asnoŭny ŭniosak u rost biełaruskaha VUP unosiać handal, pramysłovaja vytvorčaść i sielskaja haspadarka.
Jak adznačajuć u Jeŭrazijskim banku raźvićcia, rost pramysłovaści ŭ krainie strymlivajuć dva faktary: abmiežavanyja mahčymaści pryciahnieńnia rabotnikaŭ, vysokaja zahruzka vytvorčych mahutnaściaŭ.
Pavodle apytańniaŭ pradpryjemstvaŭ, uzrovień zahruzki mahutnaściaŭ składaje kala 70%.
Kamientary