Si-En-En nazvała Łukašenku strongman. «Puł pieršaha» nie viedaje značeńnia hetaha słova pa-anhlijsku i radasna pierapościŭ
«Tiem vriemieniem CNN: Belarusian strongman Alexander Lukashenko», — z takim podpisam telehram-kanał zachoplena pierapościŭ uryvak ź videapaviedamleńnia amierykanskaha telekanała pra vystup Łukašenki ŭ Saviecie Fiederacyi ŭ Maskvie.
Prapahandysty padumali, što amierykanskija žurnalisty nazvali Alaksandra Łukašenku «mocnym lidaram» — aznačeńnie, jakim karystajucca sami. Ale ŭ anhlijskaj movie hetaje słova maje zusim inšaje značeńnie. Heta sinonim słovaŭ dyktatar, tyran, despat, fiurer.
Voś aznačeńnie słova strongman, jakoje daje słoŭnik Merriam-Webster, anałah našaha Tłumačalnaha słoŭnika biełaruskaj movy: «asoba, jakaja vykarystoŭvaje ŭładu abo paŭnamoctvy žorstkim, niespraviadlivym abo škodnym čynam».
Čym hetaje słova sensava adroźnivajecca ad strong leader (mocny lidar)? Voś jaki adkaz daje čat GPT:
«Strongman u anhlijskaj movie maje niekalki značeńniaŭ u zaležnaści ad kantekstu:
-
Dyktatar abo aŭtarytarny lidar
- Vykarystoŭvajecca dla apisańnia palityčnaha lidara, jaki kiruje aŭtarytarnymi mietadami, časta z vykarystańniem siły abo represij.
- Prykłady: Lukashenko is often described as Belarus' strongman.
- Sensavaje adcieńnie: niehatyŭnaje abo krytyčnaje.
-
Čałaviek ź vialikaj fizičnaj siłaj
- Užyvajecca ŭ sporcie (naprykład, stronhmen-spabornictvy).
- Prykłady: He is a professional strongman and competes in powerlifting events.
Adroźnieńnie ad «strong leader»
- Strong leader — mocny lidar, ale biez admoŭnaj kanatacyi. Heta moža być charyzmatyčny, efiektyŭny kiraŭnik, jaki prymaje rašeńni i kiruje krainaj ci arhanizacyjaj.
- Strongman — aŭtarytarny abo dyktatarski lidar, časta ź niehatyŭnym sensam (kiruje praz strach, represii, abmiežavańnie svabod).
Takim čynam, «strong leader» — heta chutčej niejtralny abo stanoŭčy termin, a «strongman» — maje niehatyŭny abo aŭtarytarny adcienak».
Cikava, što Čat GPT mienavita pra Łukašenku prykład i pryvioŭ.
Post Puła piervoho pierapościli inšyja prapahandysckija kanały, pačynajučy ź Ihara Tura, tvara telekanała ANT.
Kamientary