Kala vajskovaha haradka pad Homielem pačałosia budaŭnictva novaha maštabnaha abjekta
Novyja kaśmičnyja zdymki zaśviedčyli maštabnaje vysiakańnie lesu ŭ Homielskim rajonie. Učastak raźmieščany pamiž bazaj zachoŭvańnia artyleryjskich snaradaŭ i budaŭničaj placoŭkaj vajskovaha haradka ŭzdoŭž trasy M-10 u Homielskim rajonie. Vyvučeńnie materyjałaŭ dziaržaŭnych zakupak dało vydańniu «Fłahštok» razumieńnie charaktaru novaj budoŭli.
Tendary nie ŭtrymlivajuć padrabiaznaściaŭ adnosna budaŭnictva. Adnak ahulnyja paramietry zakupak pakazvajuć miesca i charaktar budaŭnictva. Naprykład, u ich paviedamlajecca pra blizkaje raźmiaščeńnie naftapravoda, nieabchodnaść vysiakać les i adlehłaść ad piasčanaha karjera.
Z kanca 2024 hoda było abvieščana niekalki tendaraŭ z paznakaj «Budaŭnictva vajskovaha haradka ŭ Homielskaj vobłaści. Vučebna-taktyčnaje pole»:
- na zakupku piasku — 867 tysiač rubloŭ;
- na pieravozku piasku z karjera «Biarezinski» za 14 km ad abjekta — 750 tysiač rubloŭ;
- na maštabnaje vysiakańnie lesu — 1 927 tysiač;
- na ŭładkavańnie futlaraŭ dla naftapravoda — 366 tysiač rubloŭ;
- na zakupku kalučaha drotu — 86,5 tysiačy rubloŭ;
- na budaŭnictva daroh — 4 476 tysiač rubloŭ;
- pabudovu budynkaŭ (pieradajučy centr i prybiralni) — 492 tysiačy rubloŭ.
Za 4 miesiacy na vučebna-taktyčnaje pole pry vajskovym haradku ŭžo było vydatkavana amal 9 miljonaŭ rubloŭ. Heta daloka ad vydzielenaha limitu: usiaho ŭ 2025 hodzie pa dziaržaŭnaj inviestycyjnaj prahramie z respublikanskaha biudžetu na budaŭnictva vajskovaha haradka vydzielena 25 miljonaŭ rubloŭ.
Takaja ž suma ŭ 25 miljonaŭ rubloŭ vydzielena na budaŭnictva vajskovaha palihona ŭ Homielskaj vobłaści. Miesca jaho raźmiaščeńnia nieviadomaje, adnak nielha vyklučyć, što razhladanaje budaŭnictva vučebna-taktyčnaha pola da jaho i adnosicca.
Vysiakańnie lesu ciapier viadziecca na terytoryi prykładna 90 hiektaraŭ. Raboty pavinny być zavieršanyja da 7 krasavika. Vierahodna, jak i ŭ vypadku z budaŭnictvam vajskovaha haradka, vysiakańnie lesu na miescy budaŭnictva było vyzvalena śpiecyjalnym ukazam Łukašenki ad nieabchodnaści ažyćciaŭleńnia kampiensacyjnych pasadak.
U hetym budaŭnictvie ździŭlaje blizkaje raźmiaščeńnie vajskovaha abjekta da cyvilnaj infrastruktury: 150 mietraŭ ad šašy M-10 i 550 mietraŭ ad žyłoj zabudovy Novaj Budy.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
Ci ŭ "vajskovym haradku" žyvuć adny tolki vajskoŭcy?