U Minsku — usplosk reśpiratornych zachvorvańniaŭ. Kala dziciačaj infiekcyjonki źniali čarhu z mašyn chutkaj dapamohi
U siecivie źjaviłasia videa z čarhoj mašyn chutkaj dapamohi ŭ dziciačuju infiekcyjnuju balnicu. Pavodle infarmacyi aŭtara, uviečary na minułym tydni čarha na špitalizacyju raściahnułasia na niekalki hadzin. Što stała pryčynaj ažyjatažu, raźbiralisia «Minsk-Naviny».
Na videa bačna, što ŭ čarzie stajać nie tolki słužbovyja aŭtamabili miedykaŭ, ale i mašyny naviedvalnikaŭ, jakija pryvieźli dziaciej na špitalizacyju samastojna.
U Kamitecie achovy zdaroŭja Minharvykankama skazali, što ažyjataž nie byŭ źviazany ź niejkimi nadzvyčajnymi zdareńniami.
Usia sprava ŭ siezonnym uzdymie zachvorvańnia, jaki sioleta zrušyŭsia sa studzienia na kaniec lutaha.
— Z 10 pa 17 sakavika ŭ pryjomnaje adździaleńnie haradskoj dziciačaj infiekcyjnaj kliničnaj balnicy źviarnulisia 832 čałavieki. Ź ich špitalizavanyja 577, jašče 255 (30 %) nie mieli patreby ŭ špitalizacyi albo admovilisia ad jaje, — raspaviali śpiecyjalisty. — Siaredni pakazčyk zvarotaŭ za sutki — 118 čałaviek, što kareluje ź siarednimi pakazčykami zvarotaŭ u anałahičnyja pieryjady papiarednich hadoŭ. Kala 60% tych, chto źviarnuŭsia, prypadaje na intervał z 15:00 da 23:00, u suviazi z čym arhanizavana rabota čatyroch uračoŭ u viačerniuju źmienu.
Akramia taho, častka pacyjentaŭ z reśpiratornymi infiekcyjami dadatkova špitalizujucca ŭ 3-ju i 4-ju haradskija dziciačyja kliničnyja balnicy.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary