Jeŭrapiejski sajuz padoŭžyŭ dziejańnie sankcyj suprać Rasii jašče na adzin hod — da 24 lutaha 2027 hoda. Adpaviednaje rašeńnie Rady ES apublikavana ŭ aficyjnym časopisie Jeŭrasajuza.
Hetyja abmiežavańni byli ŭviedzienyja 23 lutaha 2022 hoda paśla pryznańnia Rasijaj niezaležnaści tak zvanych «DNR» i «ŁNR» i nakiravańnia vojskaŭ u rehijon. Sankcyi praduhledžvajuć zabaronu dla dziaržaŭ i biznesu krain ES na ekanamičnyja i inšyja kantakty z hetymi terytoryjami.
Akramia taho, asobnym rašeńniem Jeŭrasajuz uvioŭ sankcyi suprać vaśmi rasijskich pradstaŭnikoŭ siłavych struktur i supracoŭnikaŭ kryminalna-vykanaŭčaj sistemy.
U toj ža čas novy, 20‑ty pakiet sankcyj, prymierkavany da 4‑j hadaviny raspačynańnia Rasijaj poŭnamaštabnaj vajny va Ukrainie, uzhadnić hetym razam nie ŭdałosia, bo jaho zabłakavała Vienhryja.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks18
Kamientary