Markava znoŭ spytali, ci płanuje Mininfarm pašyrać biełaruskuju movu na telebačańni
«Tolki krychu bolš za 1% nasielnictva addaje pieravahu kantentu na biełaruskaj movie.
Čamu ministr infarmacyi na pytańnie ab pavieličeńni kolkaści kantentu na biełaruskaj movie adkazaŭ admovaj? Kali ciapier Ministerstva infarmacyi nie bačyć padstaŭ dla rezkaha pavieličeńnia kantentu na biełaruskaj movie, moža być, varta pierahledzieć padychody i zadavać praź ŚMI trend, a nie prytrymlivacca jaho? Hetyja pytańni zadała Maratu Markavu karespandentka STB Alona Syrova na ruskaj movie.
Markaŭ zhadaŭ, što jamu prapanavali zapuścić adrazu 45% prahram na telebačańni na biełaruskaj movie.
«Ale tak dakładna rabić nielha. Tamu što heta ničym siońnia nie abhruntavana», — zapeŭnivaje jon.
«Čamu nie 20%, čamu nie 15%, čamu nie tyja suadnosiny, jakija siońnia jość u Biełarusi? 25% (pa pierapisie) havorać na biełaruskaj movie. Z pazicyi Ministerstva, da hetaha treba iści spakojna, pastupalna i nie vyklikajučy moŭnych pytańniaŭ i moŭnych prablem. Tamu što my jak dziaržaŭny orhan nie majem prava naškodzić i stvarać krytyčnyja situacyi», — kaža jon.
Jon havoryć, što isnujuć dźvie absalutna dyjamietralna supraćlehłyja hrupy.
«Adny kažuć pra toje, što biełaruskuju movu prynižajuć u krainie, a druhija kryčać pra toje, što prynižajuć ruskuju movu. I tyja, i druhija pracujuć nie na karyść dziaržavy. I tyja, i druhija vielmi blizkija da taho, kab zajavić u dačynieńni da ich ab tym, što jany prajaŭlajuć ekstremisckija idei. Tamu što sprabujuć unieści razład u naša hramadstva. I z tymi, i z druhimi treba zmahacca», — havoryć jon.
Markaŭ zapeŭnivaje, što siońnia tolki krychu bolš za adzin pracent chočuć hladzieć prahramy na biełaruskaj movie. Jašče kala 30% «spakojna ŭsprymajuć luby moŭny kantent», a astatnija chočuć hladzieć na ruskaj movie.
«Heta adpraŭnaja kropka na siońnia», — stavić kropku Markaŭ.
Jon havoryć, što ministerstva maje mahčymaść stymulavać prajekty na biełaruskaj movie.
«My hetuju liniju budziem pravodzić spakojna, biez nadryvu», — abiacaje Markaŭ.
Jon prapanuje praz paru hadoŭ pravieści znoŭ apytańnie i pahladzieć, jak źmianiłasia situacyja. «Tut kompleksnaje pytańnie, kali my chočam sapraŭdy stymulavać intares da bolš šyrokaha prymianieńnia biełaruskaj movy», — raskazaŭ Markaŭ, ni słova nie skazaŭšy pa-biełarusku.
.
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru8
Kamientary
Pytańnie pieršaje - jakija prahramy?