Śpiecpasłańnik Trampa: Kiraŭnictva Ukrainy pahadziłasia z praviadzieńniem prezidenckich vybaraŭ
Śpiecpasłańnik prezidenta ZŠA Donalda Trampa Styŭ Uitkaf zajaviŭ, što ličyć nieabchodnym praviadzieńnie prezidenckich vybaraŭ va Ukrainie, i hetaje pytańnie ŭžo ŭzhodnienaje. Pra heta jon zajaviŭ u intervju amierykanskamu prapahandystu Takieru Karłsanu, piša «Ukrainskaja praŭda».
Padčas razmovy Karłsan spytaŭ Uitkafa, ci varta čakać vybaraŭ va Ukrainie. Śpiecpasłańnik Trampa adkazaŭ śćviardžalna i padkreśliŭ, što adpaviednaje rašeńnie ŭžo pryniata.
«Tak, vy majecie racyju. Vybary buduć. Tak, jany damovilisia pra heta. Va Ukrainie buduć vybary», — paviedamiŭ Uitkaf.
«Ja dumaju, što Zialenski sprabuje zrabić usio mahčymaje. Jon znachodzicca ŭ vielmi, vielmi składanym stanoviščy, bo supraćstajać jamu davodzicca jadziernaj dziaržavie, jakaja maje nasielnictva ŭ čatyry razy bolšaje, čym u jaho. I jon pavinien razumieć, što jaho mohuć źniščyć. Ciapier najlepšy čas dla jaho, kab zaklučyć damovu. Prezident Tramp moža prapanavać jamu najlepšuju mahčymuju damovu, jakuju jon kali-niebudź atrymaje», — skazaŭ čynoŭnik.
Taksama Uitkaf zajaviŭ, što sustreča Trampa i Pucina adbudziecca ŭ najbližejšyja miesiacy.
Kamientary
Bo zaraz Rasieja nastupaje i navošta joj vajnu skančać?