U Mazyrskim rajonie mužčyna pabiŭ i parezaŭ znajomaha, pryviazaŭ da słupa i zamknuŭ na 8 hadzin u chlavie
Pra dziki vypadak, jaki adbyŭsia paŭhoda tamu ŭ adnoj ź viosak na Mazyrščynie, raskazała abłasnaja hazieta «Homielskaja praŭda».
U kastryčniku 2024 hoda 66-hadovy mužčyna, znachodziačysia ŭ siabie doma, pasvaryŭsia sa svaim znajomym i nanios jamu niekalki ŭdaraŭ rukami i nažom. Paśla jon schapiŭ mužčynu za vopratku, pavaliŭ na łožak i pačaŭ dušyć, a ŭrešcie źviazaŭ znajomamu ruki ramianiom i advioŭ u chleŭ.
Tam pažyły mužčyna źviazaŭ svajoj achviary viaroŭkaj nohi i pryviazaŭ da słupa. Paśla taho jon nanios joj jašče nie mienš za try ŭdary pa roznych častkach cieła, a tady pajšoŭ i začyniŭ chleŭ zvonku, pazbaviŭšy paciarpiełaha mahčymaści źviarnucca pa dapamohu da ludziej.
Praź niejki čas mužčyna ŭsio ž taki zmoh vyzvalić ruki i zapałkami pierapaliŭ viaroŭku na nahach, ale z chlava samastojna vybracca nie zmoh. Tolki praz 8 hadzin abvinavačany sam vypuściŭ jaho, paśla čaho paciarpieły źviarnuŭsia pa miedycynskuju dapamohu.
Z ulikam usich dokazaŭ sud Mazyrskaha rajona asudziŭ abvinavačanaha na 6 hadoŭ kałonii. Taksama jaho buduć prymusova lačyć ad ałkahalizmu.
U Kapylskim rajonie zaviali kryminalnuju spravu za dva ŭdary pa aharodžy pomnika
Złodziej skraŭ čyhunny ŭmyvalnik i piačnyja dźviercy — ahułam na 10 rubloŭ. Milicyja zajaviła, što budzie jaho šukać
U Mazyrskim rajonie traktaryst znajšoŭ u poli aleniania i zabraŭ sabie. U jahonaj žonki kanfiskavali mašynu
Kamientary