Ministr abarony ZŠA admaŭlaje ŭciečku vajennych płanaŭ praz čat u Signal. A Kanhres patrabuje rasśledavańnia
Ministr abarony ZŠA Pit Chehset admaŭlaje, što ŭ administracyi prezidenta ZŠA Donalda Trampa niechta adpraŭlaŭ tekstavyja paviedamleńni z płanami vajny ŭ Signal. Chehset nazvaŭ hałoŭnaha redaktara časopisa The Atlantic Džefry Hołdbierha, jakoha dadali ŭ čat z abmierkavańniem udaraŭ pa chusitach, «chłuślivym i vielmi dyskredytavanym tak zvanym žurnalistam», paviedamlaje CNN.
Ministr abarony ZŠA Pit Chehset admaŭlaje, što niechta z administracyi Donalda Trampa adpraŭlaŭ praz Signal «tekstavyja paviedamleńni z płanami vajny».
«Nichto nie adpraŭlaŭ tekstavyja paviedamleńni z płanami vajny. I heta ŭsio, što ja mahu skazać z hetaj nahody», — koratka zajaviŭ ministr abarony ZŠA, kali vychodziŭ z samalota na vajskovaj bazie Pierł-Charbar na Havajach.
Raniej hałoŭny redaktar časopisa The Atlantic raspavioŭ, što daradca prezidenta ZŠA Donalda Trampa pa nacyjanalnaj abaronie Majkł Uołtc dadaŭ jaho ŭ čat u miesiendžary Signal, dzie abmiarkoŭvalisia napady na pazicyi chusitaŭ, u tym liku celi, čas i ŭzbrajeńni, jakija vykarystoŭvajucca dla ŭdaraŭ.
Chehset nazvaŭ Džefry Hołdbierha «chłuślivym i vielmi dyskredytavanym tak zvanym žurnalistam».
U toj ža čas u Kanhresie ZŠA patrabujuć rasśledavańnia zdareńnia. Pamočnik adnaho z kanhresmienaŭ-demakrataŭ, apisvajučy staŭleńnie ŭ Kanhresie da incydentu na ŭmovach ananimnaści, nazvaŭ jaho «kašmaram dla apieratyŭnaj biaśpieki».
Surazmoŭcy Politico u Pientahonie zajavili, što situacyja z čatam u Signal źjaŭlajecca «prosta nievierahodnaj» i «ŭ heta niemahčyma pavieryć».
-
Prarasijski amierykanski influensier paprasiŭ apisać Pucina adnym słovam. USU adkazali
-
Litoŭski ministr raskazaŭ, jak vučyŭsia čytać pa-biełarusku z časopisa «Vožyk»
-
Žančyna dapamahła biełaruskamu ŭciekaču niezakonna pierajści miažu — praz heta joj admovili ŭ polskim hramadzianstvie. Što vyrašyŭ sud
Ciapier čytajuć
Stali viadomyja padrabiaznaści taho, jak u Vjetnamie zatrymali Vieramiejčyka2
Kamientary
Kab admaŭlać zaraz toje, pryjdziecca ŭsim udzielnikam čata chłusić.