12 ukrainskich vajennapałonnych z «Azova» asudzili na terminy ad 13 da 23 hadoŭ. Jašče 11 — zavočna
Paŭdniovy akruhovy vajenny sud u Rastovie-na-Donie pryznačyŭ realnyja terminy źniavoleńnia ŭ kałonii strohaha režymu dla ŭkrainskich pałonnych, jakija ŭ roznyja hady słužyli ŭ pałku «Azoŭ», paviedamlaje «Miedyjazona».
Sudovaja kalehija pad staršynstvam sudździ Viačasłava Korsakava vyniesła nastupnyja prysudy: Jarasłaŭ Ždamaraŭ, Alaksandr Mieračeniec, Mikita Cimonin, Alaksandr Muchin, Aleh Tyškuła i Artur Hrecki — pa 22 hady kałonii strohaha režymu; Alaksandr Ircha i Arciom Hrabiaškoŭ — pa 20 hadoŭ; Aleh Mižharadski — 17 hadoŭ; Aleh Žarkoŭ — 13 hadoŭ; Anatol Hrycyk — 19 hadoŭ; Alaksiej Smykaŭ — 23 hady.
Usie jany płanujuć abskardzić prysud. U sud ich pryviali ŭ kajdankach. Pierad abviaščeńniem rašeńnia Alehu Žarkovu stała błaha — zabaleŭ žyvot, jamu vyklikali chutkuju dapamohu.
Jašče adzinaccać fihurantaŭ spravy atrymali zavočnyja prysudy, bo byli raniej viernutyja va Ukrainu ŭ ramkach abmienu pałonnymi. Tak, Davida Kasatkina i Dźmitryja Łabinskaha zavočna asudzili na 23 hady kałonii strohaha režymu.
Dzieviaci žančynam, jakija ŭ roznyja hady pracavali ŭ pałku «Azoŭ» armiejskimi pavarychami, taksama vyniesieny zavočnyja prysudy — realnyja terminy ŭ kałonii ahulnaha režymu, bo žanočych kałonij strohaha režymu ŭ Rasii niama:
Alena Abramava, Alena Bandarčuk, Lilija Paŭryjanidys, Nina Bandarenka, Iryna Mahicič, Uładzisłava Majbaroda, Maryna Tekin — pa 13 hadoŭ kałonii; Lilija Rudenka i Natalla Halfinier — pa 14 hadoŭ.
Abvinavačvańnie suprać pałonnych ukraincaŭ budavałasia na tym, što ŭsie jany ŭ rozny čas prachodzili słužbu ŭ atradzie asablivaha pryznačeńnia «Azoŭ» i vykazvali «niehatyŭnaje staŭleńnie da ruskamoŭnaha nasielnictva», a taksama prytrymlivalisia «praŭkrainskich radykalnych pohladaŭ».
-
«Bransk pad rakietnym udaram!» — «Vy nie tušycie, daharyć chutčej». Minabarony Ukrainy pa-čornamu adpalvaje ŭ Threads
-
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?6
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3030
Kamientary