Hurnievič: Sprabuju znajści pryčynu hałasavać za KR, ale nie znachodžu. Z-za pavodzin siabroŭ KR
Žurnalist «Svabody» Dźmitryj Hurnievič padzialiŭsia razvahami pra Kaardynacyjnuju radu napiaredadni novych vybaraŭ. Jon hałasavaŭ minuły raz, ale kaža, što jamu składana znajści pryčynu hałasavać znoŭ. Asnoŭnaja pretenzija aŭtara — zasiarodžańnie struktury na ŭnutranaj biurakratyi i adsutnaść bačnych vynikaŭ pracy.
Jak čałaviek, jaki hałasavaŭ na vybarach u Kaardynacyjnuju Radu ŭ 2024 hodzie, ja sprabuju znajści pryčynu zrabić heta jašče raz, ale nie ŭdajecca.
Kab paźbiehnuć niepatrebnych tłumačeńniaŭ, adrazu dadam, što jak tady, tak i ciapier, tudy vyłučajecca šmat vielmi hodnych ludziej, adukavanych, advažnych i aktyŭnych. I mienavita heta prymušaje mianie zadumacca: a kudy jany nakiroŭvajuć svaju enierhiju, čym tam zajmajucca i jaki ad hetaha Kaeficyjent karysnaha dziejańnia?
Mahčyma jon jość, i navat vialiki, ja budu ŭdziačny, kali niechta mnie raskaža i ja pryznaju, što pamylaŭsia.
Arhumient, što ich siłu i ŭpłyŭ dakazvaje režym, pieraśledujučy i kanfiskujučy majomaść, nie pierakonvaje mianie. Tak adbyvajecca baraćba z amal usimi apanientami ŭłady.
Arhumient, što heta pradstaŭničy orhan? A bieź jaho było niejak inakš, i nichto na Zachadzie nie ŭsprymaŭ demakratyčnyja siły? Dyk ničoha ž nie źmianiłasia. Ale ciapier heta jašče i zasłuha KR.
Mahčyma za čas ad apošnich vybaraŭ siabry KR raspracavali prajekty reformaŭ, jak heta anansavałasia. Davajcie składziom rejtynh samych cikavych!!! Ja pakul sam ničoha nie sustrakaŭ, prytym, što cikaŭlusia i navat udzielničaju ŭ telehram-hrupie, dzie dyskutujuć siabry KR. Ale vyhladaje, što prynamsi tam siabry KR zajmajucca pieravažna «siensacyjami» vakoł KR. I ŭ hetym ja baču tupik.
Bo razumnyja ludzi atrymali biurakratyčnuju strukturu i nakiroŭvajuć svaju enierhiju na «baraćbu», jakuju nichto navat nie zaŭvažaje. Jany spračajucca pra biurakratyju.
KR miełasia stać škołaj parłamientaryzmu, dzie jaje čalcy pakažuć, jak prymajucca rašeńni i pravodziacca dyskusii. Ale rašeńni pra što? Pra rezalucyi, stratehii, płany? Pra stvareńnie čarhovych hrup siabroŭstva ŭ inšych parłamientach? Heta hučyć pryhoža i salidna, ale na što heta ŭpłyvaje? Što budzie pryniataja čarhovaja zajava salidarnaści PARE ź Biełaruśsiu? Heta tolki stvaraje iluziju burlivaj pracy bieź niejkaha vyniku.
KR stvaryła novych zorak u palitycy? Badaj naadvarot, častka cikavych ludziej syšła adtul i zarakłasia zajmacca palitykaj. Tam, dzie ja baču ŭ dyskusijach siabroŭ KR, jany razmaŭlać pra KR.
Moj matyŭ dopisu — nie pustaja krytyka, a sproba zrazumieć.
Sens luboj palityčnaj aktyŭnaści, na maju dumku, pavinien być nakiravany na pracu z hramadskaj dumkaj unutry krainy. A kali aktyvisty zajmajucca biurakratyjaj — na heta prosta nie zastaniecca času. Paŭtarusia, škada enierhii razumnych ludziej u KR.
A arhumient, što biełarusam u hetym palityčnym budaŭnictvie zajzdrościać navat rasiejcy ŭ emihracyi, taki sabie.
Ale ja nie hublaju nadziei pačuć sensoŭnyja arhumienty i što ja znajdu pryčynu prahałasavać i hetym razam.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary