Minčanka sustreła ŭ kramie byłuju načalnicu — ciapier jaje čakaje sud
18-hadovaja dziaŭčyna, budučy napadpitku, zajšła ŭ praduktovuju kramu na vulicy Prytyckaha pa piva. Tam jana sustreła svaju byłuju načalnicu, i pamiž imi zaviazałasia niepryjemnaja razmova.
Paśla hetaha minčanka nakiravałasia da vychadu. Padyšoŭšy da šklanych rassoŭnych dźviarej, jana z usiaje siły ŭdaryła pa ich nahoj — na škle źjaviłasia mnostva treščynaŭ. Tym nie mienš dziaŭčyna spakojna pakinuła kramu.
Jaje znajšli pa kamierach videanazirańnia, paśla čaho raspačali kryminalnuju spravu za chulihanstva.
Pavodle źviestak prakuratury, abvinavačanaja pracuje barystaj, raniej da kryminalnaj adkaznaści nie pryciahvałasia. Joj pradjaŭlena abvinavačańnie pavodle č. 1 art. 339. Minčanka całkam pryznała vinu, raskajałasia ŭ zroblenym i dobraachvotna pakryła škodu 1159 rubloŭ. Ciapier jana čakaje suda pad padpiskaj ab niavyjeździe, pišuć Minsk-naviny.
Kamientary