Za niekalki dzion da vyzvaleńnia na palitźniavolenuju Kulšu zaviali novuju kryminalnuju spravu — čaćviorty raz
Viktoryju Kulšu abvinavačvajuć u niepadparadkavańni. Ciapier jana ŭ SIZA Homiela.
Palitviaźnia Viktoryju Kulšu pieraviali ŭ SIZA Homiela. Jana pavinna była vyjści na volu 6 krasavika. Ale na jaje ŭ čaćviorty raz zaviali kryminalnuju spravu pa art. 411 — heta piataja kryminalnaja sprava suprać jaje i čaćviortaja mienavita pa hetym artykule, piša dissident.by
Viktoryja Kulša była administratarkaj čata «Kiroŭcy 97%», za što była zatrymanaja 4 listapada 2020. U vyniku jaje asudzili na 2,5 hoda pazbaŭleńnia voli. U červieni 2022 Viktoryju Kulšu ŭpieršyniu asudzili pa art. 411 (złosnaje niepadparadkavańnie zakonnym patrabavańniam administracyi papraŭčaj ustanovy). Na toj momant u jaje było ŭžo 34 spahnańni.
Čarhovy sud nad žančynaj raspačaŭsia ŭ krasaviku 2023 hoda, dzie joj znoŭ prysudzili jašče adzin hod źniavoleńnia. A ŭ kastryčniku 2023 hoda Viktoryju Kulšu asudzili treci raz i znoŭ dadali 1 hod pa 411 artykule. Da hetaha času žančyna praviała 7 miesiacaŭ u SIZA i pavinna była vyjści na volu 6 krasavika 2025 hoda. Ale suprać Viktoryi ŭzbudzili čaćviortuju kryminalnuju spravu. Zaraz blizkija da jejnaj siamji paviedamlajuć, što jana znachodzicca ŭ SIZA-3.
Ahułam Viktoryja ŭžo adbyła ŭ źniavoleńni 70 sutak ŠIZA i 6 miesiacaŭ u PKT. Taksama viadoma, što supracoŭniki žanočaj kałonii № 24 u Zareččy ŭžyvali suprać žančyny psichałahičny i fizičny cisk. Paviedamlajecca, što adzin z nahladčykaŭ dušyŭ Viktoryju łokciem, stojačy zzadu, a taksama ciahnuŭ jaje pa kamiery. Aproč hetaha, jaje časta abražali i prynižali pierad inšymi nahladčykami.
U svaich intervju byłaja palitźniavolenaja Palina Šarenda-Panasiuk zhadvała pra Viktoryju: «U Viktoryi Kulšy, napeŭna, užo admovili nyrki. Jana trymała haładoŭki miesiacami, admaŭlałasia ad vady i ježy. Jana ŭskryvała sabie vieny. Jaje kidali za heta ŭ ŠIZA — i tam jana znoŭ uskryvała sabie vieny. Jana trymała haładoŭki ŭ PKT. Jana admaŭlałasia ad dapamohi daktaroŭ»
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Ja žadaju ŭsim karnikam [Red. Vydalena] za ŭsie złačynstvy što jany ździajśniajuć. Katavańni, źbićci, ździekavańni. Hetamu niamožna daravać nikoli.
[Zredahavana]
Nie lubiać takich, što nie lohka nie łamajucca, pomściać, źniščajuć.