Alaksandr Łukašenka 3 krasavika padpisaŭ ukaz ab stvareńni novaha sudovaha orhana — Apielacyjnaha ekanamičnaha suda.
Stvareńnie hetaha suda prezientujecca jak častka reformy, praduhledžanaj novym kodeksam hramadzianskaha sudavodstva, jaki ŭstupić u siłu z 1 studzienia 2026 hoda i praduhledžvaje pierachod Biełarusi na trochźvionnuju sistemu sudavodstva.
Ciapier sudy pieršaj i apielacyjnaj instancyi pracujuć u ramkach adnaho suda, ale z nastupnaha hoda jany buduć padzielenyja, što pavinna ŭ teoryi pavysić efiektyŭnaść razhladu ekanamičnych sprečak.
Štat Apielacyjnaha ekanamičnaha suda składuć 27 sudździaŭ, uklučajučy staršyniu i jaho namieśnikaŭ. Novych pryznačeńniaŭ rabić nie buduć, bo sudździaŭ prosta pieraviaduć ź dziejnych ekanamičnych sudoŭ. Viarchoŭny sud pavinien budzie padrychtavać kandydatury na kirajničyja i sudziejskija pasady, a taksama vyrašyć usie arhanizacyjnyja pytańni dla zabieśpiačeńnia dziejnaści novaha sudovaha orhana.
U listapadzie minułaha hoda staršynia Viarchoŭnaha suda Biełarusi Valancin Sukała paviedamlaŭ, što z 27 sudździaŭ, patrebnych dla novaj struktury, 22 čałavieki voźmuć ź dziejnych abłasnych ekanamičnych sudoŭ, a jašče 5 čałaviek — sa składu sudździaŭ Viarchoŭnaha suda.
Dla raźmiaščeńnia hetaha suda na vulicy Miaśnikova ŭ Minsku ŭžo zakančvajuć rekanstrujavać budynak.
U centry Minska budujuć Apielacyjny ekanamičny sud
Na sajcie Viarchoŭnaha suda ŭžo amal miesiac nie vystaŭlajuć raskłady sudovych pasiadžeńniaŭ. I heta naŭrad ci vypadkova
Z pačatku hoda bolš za 300 čałaviek asudzili za «prapahandu nacyzmu»
Užo dabralisia da dachu. Što za zahadkavy budynak budujuć na Niamizie ŭ Minsku i kali jaho zdaduć?
«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?1
Kamientary