«Raźličvać niama na što». Administracyja Trampa zamaroziła finansavańnie stypiendyj, pa jakich vučacca ŭ tym liku i biełarusy
U lutym 2025 hoda administracyja Donalda Trampa zamaroziła finansavańnie dla šerahu adukacyjnych i kulturnych prahram — jak dla zamiežnikaŭ, tak i dla amierykancaŭ. Prablemy zakranuli i biełaruskich studentaŭ u ZŠA.
Dziaržaŭny departamient ZŠA zamaroziŭ finansavańnie viadomych amierykanskich prahram abmienu — Fułbrajt, stypiendyi Hiłmana, stypiendyi Critical Language i IDEAS.
Płanavałasia, što paŭza ŭ finansavańni praciahniecca 15 dzion, ale dahetul situacyja zastajecca niavyznačanaj. Niekatoryja mižnarodnyja studenty atrymlivajuć svaje vypłaty paźniej, čym zvyčajna, niechta ŭ vyniku maje na rukach sumu značna mienšuju za tuju, jakaja pavinna być.
Vieranika (imia źmieniena — NN), biełaruskaja stypiendyjatka prahramy Fułbrajt, raskazała «Našaj Nivie», što za sakavik joj i inšym studentam vypłaty zatrymali. Kaardynatary prahramy paviedamili, što finansavańnie zamarožana: za krasavik maładyja ludzi jašče atrymali stypiendyi avansam, a što budzie dalej — nieviadoma.
«U mianie pra heta šmat pačućciaŭ. Raźličvać asabliva niama na što. Chiba što na toje, što situacyja vyrašycca chutka — ja viedaju, što niekatoryja navukovyja hranty razmarozili. Možna padavacca na ekstrannaje finansavańnie ad univiera, jość jašče ekstranny kredyt, ale heta apošniaje, na što chočacca iści».
Praz skaračeńni siarod administrataraŭ prajekta studentam ciažka atrymać dazvoły na pracu, kab prynamsi častkova zakryvać svaje patreby. Pa vizie, jakaja ŭ Vieraniki, joj tearetyčna mohuć dazvolić pracavać tolki 20 hadzin na tydzień i tolki pa śpiecyjalnaści ci na kampusie ŭniviersiteta.
«Im sapraŭdy pryjšłosia skaracić ludziej — pra heta paru tydniaŭ tamu nam taksama prysłali list. I ciapier u arhanizacyj, jakija zajmajucca administravańniem hranta, niama mahčymaściaŭ, kab apracoŭvać dakumienty. Heta značyć, što atrymać dazvoł na pracu ad Fułbrajta zaraz amal niemahčyma — jany tak i napisali na svaim partale dla stypiendyjataŭ», — kaža dziaŭčyna.
Inšyja stypiendyjaty apynulisia ŭ takoj ža situacyi, što i Vieranika, ale detali va ŭsich adroźnivajucca: praź śpiecyfiku navučalnaj prahramy ci ŭniviersiteta.
«Naša Niva» źviarnułasia pa kamientaryj da biełaruskaha adździaleńnia EducationUSA, jakoje kansultuje abituryjentaŭ pa pastupleńni ŭ ZŠA, ale tam apieratyŭnaha adkazu atrymać nie ŭdałosia.
Ciapier čytajuć
Čamu ŭ pačatku 20 stahodździa estoncy, litoŭcy i łatyšy stvaryli dziaržavu, a biełarusy — nie? Adkazvaje Cieraškovič9
Kamientary