U Viciebsku miedrabotniki źniščyli 6 tysiač vakcyn ad kavidu — škoda skłała 120 tysiač rubloŭ
U vyniku dvum supracoŭnicam palikliniki vystavali abvinavačańnie ŭ pieravyšeńni słužbovych paŭnamoctvaŭ z asabistaj zacikaŭlenaści, jašče traim — u pasobnictvie, paviedamiła Hienprakuratura.
Padrabiaznaści paviedamili ŭ pres-słužbie Hienieralnaj prakuratury: «Ustanoŭlena, što dźvie abvinavačanyja — namieśnik zahadčyka i staršaja miedycynskaja siastra ŭstanovy achovy zdaroŭja — pieravyšajučy svaje słužbovyja paŭnamoctvy, dali niezakonnyja rasparadžeńni trom padparadkavanym im miedsiostram źniščyć reštki vakcyny suprać kavidu, termin prydatnaści jakoj jašče nie skončyŭsia. Pry hetym jany daručyli ŭnieści źmieny va ŭlikovuju i spravazdačnuju dakumientacyju ab ich vykarystańni padčas vakcynacyi».
Pavodle infarmacyi viedamstva, byli źniščanyja nie mienš za 6 tysiač doz vakcyny koštam 120 tysiač rubloŭ. U dačynieńni da piaci miedrabotnic raspačali kryminalnuju spravu.
Na sudovym pasiadžeńni abvinavačanyja pryznali vinu i raskajalisia ŭ zroblenym. Taksama viadoma, što jany kampiensavali pryčynienuju škodu.
Sud pryznaŭ miedrabotnic vinavatymi. Namieśniku zahadčyka i staršaj miedycynskaj siastry pryznačana pakarańnie ŭ vyhladzie abmiežavańnia voli na termin 3 hady 6 miesiacaŭ biez nakiravańnia va vypraŭlenčuju ŭstanovu adkrytaha typu.
Troch miedsiaścior sud pakaraŭ abmiežavańniem voli na termin 2 hady taksama biez nakiravańnia va vypraŭlenčuju ŭstanovu adkrytaha typu.
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie28
Kamientary
Rabotaju v poliklinikie, my tožie uničtožajem, a pišiem, čto vakcinirovali.
A čto diełať, jeśli zastavlajut, a narod nie chočiet.
Každuju niedielu miedsiestra raźbivajet ampuły i vylivajet - durnoje zaniatije