Zialenski pra reakcyju ZŠA na ŭdar pa Kryvym Rohu: Taki mocny narod — i takaja słabaja reakcyja
U svaim telehram-kanale prezident Ukrainy prakamientavaŭ rasijski ŭdar pa Kryvym Rohu, u vyniku jakoha zahinuli 19 čałaviek, ź ich pałova — dzieci. Udar pryjšoŭsia pobač ź dziciačaj placoŭkaj, dzie tyja hulalisia. Zialenski nazvaŭ imiony ŭsich zahinułych dziaciej.
«Trochhadovy Cimafiej, na žal, siońnia pamior u balnicy. Siamihadovy Radzisłaŭ. Aryna, jakoj nazaŭždy taksama siem. Dzieviacihadovy Hierman. Piatnaccacihadovy Daniła. Piatnaccacihadovy Mikita. Piatnaccacihadovaja Alina. Kanstancin, jakomu nazaŭždy 16. Mikita — 17 hadoŭ. Heta dzieci, jakich zabiła rasijskaja balistyčnaja rakieta padčas ŭdaru pa Kryvym Rohu. Z momantu zapusku z rajona Tahanroha na terytoryi voraha prajšło ŭsiaho niekalki chvilin.
Taksama zahinuli, na žal, dzieviać darosłych. Maje spačuvańni ŭsim rodnym i blizkim.
Rakieta trapiła prosta na vulicu — vakoł zvyčajnyja damy, dziciačaja placoŭka, kramy, restaran. Jašče 62 čałavieki paciarpieli ŭ vyniku ŭdaru, siarod ich 12 dziaciej. Jość vielmi ciažka paranienyja, ciapier jany ŭ balnicach. Miedyki robiać usio mahčymaje, kab vyratavać žyćci.
(…) Vielmi važna, kab hety rasijski ŭdar pa mirnych žycharach, pa horadzie, jak i kožny taki ŭdar, nie zastavaŭsia biez reakcyi śvietu. Kryvomu Rohu i ŭsioj Ukrainie ŭžo vykazali padtrymku mnohija. Ja ŭdziačny za pryncypovuju pazicyju ministram zamiežnych spraŭ Čechii, Finlandyi, Litvy, Łatvii, Estonii i Aŭstryi. Dziakuj za pazicyju i padtrymku Vysokaj pradstaŭnicy Jeŭrasajuza pa zamiežnych spravach i palitycy biaśpieki. My cenim, što vyrazna vykazalisia ambasady Japonii, Vialikaj Brytanii, Šviejcaryi i Hiermanii.
Na žal, niepryjemna ździŭlaje reakcyja ambasady ZŠA: takaja mocnaja kraina, taki mocny narod — i takaja słabaja reakcyja. Jany navat bajacca skazać słova «rasijskaja», kali havorać pra rakietu, što zabiła dziaciej.
Tak, vajna musić skončycca. Ale kab jaje zaviaršyć, treba nie bajacca nazyvać rečy svaimi imionami. Treba nie bajacca cisnuć na taho adzinaha, chto praciahvaje hetuju vajnu i ihnaruje ŭsie prapanovy śvietu ab jaje zakančeńni. Treba cisnuć na Rasiju, jakaja vybiraje zabojstvy dziaciej zamiest spynieńnia ahniu. Treba ŭvodzić dadatkovyja sankcyi suprać tych, chto nie moža isnavać biez udaraŭ balistyčnymi rakietami pa susiednim narodzie. Treba rabić usio mahčymaje dziela vyratavańnia žyćciaŭ».
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku4
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary
a jana sapraŭdy była rasiejskaja?
Da i nie s ruki, nazyvaja ubijcu ukrainskich dietiej druhom, zamiečať ubitych ukrainskich dietiej. Trampu proŝie diełť vid, čto etich ubijstv nie proischodit.
Da i v priedvkušienii rośsijskich hiešieftov i ličnych ništiakov ot putina, nado mołčať, čtoby nie vspuhnuť hiešiefty i ličnyje ništiaki.