«Užo sioleta płanujecca vypuścić 20 miljonaŭ maniet naminałam 50 šahoŭ», — raskazaŭ u intervju kiraŭnik Nacyjanalnaha banka Ukrainy Andrej Pyšny.
Nastupny tyraž ukrainskich maniet budzie ŭžo nie ŭ kapiejkach, a ŭ šahach. Staryja maniety taksama zastanucca ŭ abaračeńni.
«Nie budzie prymusovaha vymańnia kapiejki. Prosta na zamienu budzie čakanicca manieta ŭžo z nazvaj «šah», — dadaŭ Pyšny.
«Simvalizm hetaha rašeńnia značna macniejšy. My kančatkova vyčyščajem z ukrainskaha zakanadaŭstva ŭsio, što choć niejak nas rodnić z «Maskvoj». Usie hrašovyja reformy inšych krain paśla raspadu Savieckaha Sajuza adbyvalisia kardynalna, na hłybinnym uzroŭni, u kožnaj byłoj respublicy, nidzie nie zastalisia kapiejki, akramia Rasii i Biełarusi.
Tamu pieršy napramak krytyki — vydatki — nieaktualny. Druhi — «nie čas». Va Ukrainie ciapier vielizarny zapyt na adnaŭleńnie našaj sapraŭdnaj historyi i kultury. My źmianiajem nazvy vulic, my razumiejem, što ŭ nas jość ułasnyja histaryčnyja, kulturnyja, palityčnyja postaci. My siabie nibyta znachodzim nanova. I kali mnie kažuć: «Nie čas», ja pytajusia: «A kali čas viartać svajo, kali nie ciapier, skažycie?»», — skazaŭ kiraŭnik Nacbanka Ukrainy.
Ciapier čytajuć
Jak skłaŭsia los pałkoŭnika Łosieva, jaki pakryvaŭ bandu marozaŭcaŭ i atrymaŭ 18 hadoŭ kałonii1
Kamientary