Paźniak ci Cichanoŭskaja, Karajeŭ ci Kola Łukašenka: kazachskija hiejmiery stvaryli šmat alternatyŭnych realnaściaŭ Biełarusi
Kazachskija hiejmiery stvaryli videa Post-Lukashenko u styli hulni Hearts of Iron 4. Jany pakazali alternatyŭnyja realnaści Biełarusi — tyja, u jakoj niama Alaksandra Łukašenki. Varyjantaŭ šmat, ale daloka nie ŭsie jany pazityŭnyja.
U videa možna pabačyć kadry, źniatyja padčas pratestaŭ 2020 hoda. Kožny hieroj hetaj «hulni» maje asabistuju kartku. Pra prychilnikaŭ pieramien raspaviadajuć niezaležnyja ŚMI — «Naša Niva», Tut.by, «Radyjo Svaboda» i inšyja. Pra jabaciek — BiełTA, STB i «Sovietskaja Biełoruśsija».
Naprykład, na kartcy Śviatłany Cichanoŭskaja paznačana, što revalucyja, jakuju jana ŭznačaliła, pieramahła ŭ krainie. Łukašenka źbieh u Rasiju, a časovy ŭrad abviaściŭ ab razryvie adnosin z hetaj krainaj i zbližeńniem ź Jeŭrasajuzam. Ale ž kaniec zmročny: paznačana, što Pucinu takija pieramieny nie spadabalisia, i ciapier nie zrazumieła, ci zmoža Biełaruś zachavać niezaležnaść.
Zatoje ŭ hetaj ža realnaści zastajecca žyvym mastak Aleś Puškin. Jon stvaraje svaju partyju, jakaja płanuje dapamahać tvorčym ludziam realizoŭvać svoj patencyjał.
Zianonu Paźniaku taksama pakinuli mahčymaść pieramahčy. I pra heta, darečy, paviedamlaje «Naša Niva». Jon, staŭšy prezidentam, imkniecca adnavić adnosiny z usim śvietam.
Isnuje varyjant, u jakim u baraćbie za ŭładu pieramahaje Juryj Karajeŭ. Adznačajecca, što jaho padtrymali vyklučna siłaviki. Ale, niahledziačy na žorstkuju liniju palityki Karajeva, u jaho atrymlivajecca naładzić adnosiny z ZŠA.
Dy i Kačanavaj dobryja kazachstanskija hiejmiery dali mahčymaść sieści ŭ prezidenckaje kresła. U jaje honar čynoŭniki ładziać uračysty mitynh, na jakim vinšujuć sa źniščeńniem apošnich zmaharoŭ.
Majstar fotazdymkaŭ Aleh Hajdukievič, staŭšy na čale krainy, abiacaje praciahvać kurs Alaksandra Łukašenki, a taksama sprabuje «Zrabić Biełaruś znoŭ vialikaj».
Jość siarod piersanažaŭ i Kola Łukašenka, jakoha stvaralniki videa nazyvajuć sercajedam. U hetym varyjancie alternatyŭnaj realnaści Alaksandr Łukašenka vyrašyŭ zrabić ź Biełarusi jeŭrapiejski varyjant Paŭnočnaj Karei. Jon kančatkova zakryŭ miežy krainy, uzmacniŭ prapahandu — a paśla pieradaŭ uładu małodšamu synu. «Sovietskaja Biełoruśsija» śćviardžaje, što ŭsie miery nakiravanyja vyklučna na ŭzmacnieńnie suvierenitetu krainy.
Jaki varyjant alternatyŭnaj realnaści padabajecca bolš za ŭsio, vyrašajcie sami.
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary
nijaki z hulni.
bo Biełaruś hłybokaja