Prezident ZŠA Donald Tramp padoŭžyŭ jašče na hod dziejańnie sankcyj, jakija Bajden uvioŭ suprać Rasii z 2021 hoda. Pra heta havorycca ŭ dakumiencie Fiederalnaha rejestra ZŠA.
Tramp na adzin hod praciahnuŭ dziejańnie ŭkazaŭ Bajdena, jakija ŭvodzili nadzvyčajnaje stanovišča ŭ adnosinach z Rasijaj i dazvalali ŭvodzić sankcyi suprać jak.
«Škodnaja źniešniaja dziejnaść urada Rasijskaj Fiederacyi… praciahvaje ujaŭjać nadzvyčajnuju pahrozu nacyjanalnaj biaśpiecy, źniešniaj palitycy i ekanomicy Złučanych Štataŭ. Pa hetaj pryčynie nadzvyčajnaje stanovišča pavinna praciahvać dziejničać paśla 15 krasavika 2025 hoda», — havorycca ŭ vydadzienym z hetaj nahody paviedamleńni.
U im taksama zhadvajecca, što Rasija praciahvaje nieści pahrozu svabodnym vybaram i demakratyčnym instytutam u ZŠA i ich sajuźnikach. Zhadvajucca taksama:
- udzieł i sadziejničańnie kibieratakam suprać ZŠA;
- sadziejničańnie i vykarystańnie transnacyjanalnaj karupcyi dla ŭździejańnia na zamiežnyja ŭrady;
- dziejnaść suprać dysidentaŭ abo žurnalistaŭ;
- padryŭ biaśpieki ŭ krainach i rehijonach, važnych dla nacyjanalnaj biaśpieki ZŠA;
- parušeńnie ustanoŭlenych pryncypaŭ mižnarodnaha prava, uklučajučy pavahu da terytaryjalnaj cełasnaści dziaržaŭ.
15 krasavika 2021 hoda svaim ukazam tahačasny prezident ZŠA Džo Bajden abviaściŭ nadzvyčajnaje stanovišča z metaj pieraadoleńnia pahrozy, jakuju ŭjaŭlaje škodnaja dziejnaść urada Rasii. 8 sakavika 2022 hoda Bajden vydaŭ novy ukaz, jakim pašyryŭ śfieru dziejańnia nadzvyčajnaha stanovišča, a paśla taho źjaviłasia jašče niekalki ŭkazaŭ, jakija pašyrali sankcyjnyja dziejańni suprać Rasiei.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža24
Kamientary