Kitaj spyniŭ ekspart redkaziamielnych mietałaŭ na fonie handlovaj vajny z ZŠA
U krasaviku 2025 hoda Kitaj uvioŭ žorstkija abmiežavańni na ekspart redkaziamielnych mietałaŭ i mahnitaŭ, jakija majuć klučavoje značeńnie dla aŭtamabilnaj, aerakaśmičnaj, elektronnaj i abaronnaj pramysłovaści. Heta stała adkazam na pavyšeńnie taryfaŭ z boku administracyi prezidenta ZŠA Donalda Trampa.
Z 4 krasavika ekspart siami redkaziamielnych elemientaŭ, uklučajučy ciažkija mietały, byŭ spynieny. Hetyja mietały vykarystoŭvajucca ŭ vytvorčaści elektramabilaŭ, dronaŭ, rakiet i inšaj vysokatechnałahičnaj pradukcyi. Kitajskija eksparciory ciapier pavinny atrymlivać śpiecyjalnyja licenzii na ekspart, praces vydačy jakich moža zaniać niekalki tydniaŭ abo navat miesiacaŭ, piša The New York Times.
Pry hetym niekatoryja pastaŭki ŭžo byli zatrymanyja ŭ partach, a niekatoryja kitajskija pastaŭščyki abviaścili fors-mažor pa kantraktach z zamiežnymi pakupnikami.
Heta vyklikaje zaniepakojenaść siarod vytvorcaŭ u ZŠA, Jeŭropie i Japonii, jakija zaležać ad hetych materyjałaŭ dla svaich vytvorčych łancužkoŭ.
Kitaj, jaki zabiaśpiečvaje kala 90% suśvietnaha popytu na redkaziamielnyja mietały, užo raniej vykarystoŭvaŭ svaju daminujučuju pazicyju ŭ hetaj halinie jak instrumient hieapalityčnaha ŭpłyvu. Novyja abmiežavańni mohuć jašče bolš uzmacnić napružańnie ŭ handlovych adnosinach pamiž Kitajem i ZŠA.
U adkaz na hetyja dziejańni Kitaja, ZŠA i ich sajuźniki aktyvizujuć namahańni pa dyviersifikacyi pastavak redkaziamielnych mietałaŭ, uklučajučy raźvićcio ŭłasnych vytvorčych mahutnaściej i pošuk alternatyŭnych pastaŭščykoŭ.
Adnak ekśpierty adznačajuć, što stvareńnie niezaležnych łancužkoŭ pastavak zojmie čas, i ŭ bližejšaj pierśpiektyvie zaležnaść ad kitajskich pastavak zastaniecca vysokaj.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje29
Kamientary
Naprykład, Jeŭropa spačatku zajmałasia alternatyŭnaj (soniečnaj, vietravoj) enierhietykaj, a paśla ŭžo admaŭlałasia ad rasiejskich nafty i haza.
Tramp sapraŭdy dziejničaje jak valuntaryst/sacyjapat, jaki vieryć u svaju ŭdaču i nie ličyć nieabchodnym pradumvać nastupstvy.
U čym sens i jaho ekanamičnaj kamandy, jakaja pavinna mieć hetuju infarmacyju zahadzia? Užo jak z tyranami Łukašenka, Pucinym - daradcy bajacca piarečyć, stvarajuć infarmacyjny puchir.