Aciapleńnie ŭ spažyŭcoŭ pieršaj čarhi ŭ Hrodnie pačnuć adklučać z 15 krasavika, paviedamili ŭ Hrodzienskim haradskim vykanaŭčym kamitecie.
Pavodle narmatyvaŭ, aciapleńnie ŭ žyllovym fondzie pačynajuć adklučać, kali siaredniasutačnaja tempieratura pavietra trymajecca na ŭzroŭni +8 ℃ i bolš ciaham 3 sutak.
U harvykankamie Hrodna adznačyli, što zhodna z prahnozam sinoptykaŭ, u bližejšyja dni ŭ horadzie čakajecca bolš za +20 ℃, a da piatnicy — i ŭsie +26 ℃.
«Kab nie dapuścić «pieratopaŭ» i nieracyjanalnaha vykarystańnia paliŭna-enierhietyčnych resursaŭ, Hrodzienski haradski vykanaŭčy kamitet uzhadniŭ adklučeńnie sistem aciapleńnia z 15 krasavika», — paviedamili ŭ vykankamie.
U pieršuju čarhu aciapleńnie adklučać u hramadskich i administracyjnych budynkach, pramysłovych arhanizacyjach; zatym — u ahulnaharadskich łaźniach, teatrach, ustanovach adukacyi (za vyklučeńniem škoł i dziciačych sadkoŭ), internatach, žyllovym fondzie.
U apošniuju čarhu ciapło pierastanuć padavać u haścinicy, biblijateki, dziaržaŭnyja archivy, muziei, ustanovy sacyjalnaha zabieśpiačeńnia, miedycynskija, lačebna-prafiłaktyčnyja, školnyja i dziciačyja daškolnyja ŭstanovy adukacyi, śpiecyjalizavanyja vučebna-spartyŭnyja ŭstanovy.
Ciapier čytajuć
HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier5
Kamientary