Biełarusy ŭ Litvie nabyvajuć sabie patryjatyčnyja aŭtamabilnyja numary. Voś kolki heta kaštuje
Na aŭtamabilnych numarach u Litvie možna ŭbačyć nie tolki kambinacyi ź ličbaŭ i litar, ale i roznyja słovy. Časam na darohach sustrakajucca mašyny z nazvami biełaruskich haradoŭ na numary. Raskazvajem, jak takoje mahčyma.
Adzin z prykładaŭ takoha aŭto — kabryjalet Audi A3 z numarnym znakam MIENSK1 i nalepkaj u vyhladzie biełaruskaha nacyjanalnaha ściaha na bampiery.
Jak takoje mahčyma i kolki kaštuje
Kali ŭ Biełarusi aŭtamabilnyja numary možna vybirać tolki ŭ farmacie «čatyry ličby i dźvie litary», to ŭ Litvie za dadatkovuju płatu možna zamović indyvidualny aŭtamabilny numar.
Ciapier takaja pasłuha kaštuje 2500 jeŭra, ale da 15 studzienia 2024 hoda indyvidualnyja numarnyja znaki ŭ Litvie možna było zamović za 1500 jeŭra.
Na numarach, vydadzienych raniej i pa starych cenach, adsutničaje hierb Litvy (numary z hierbam pačali vydavać z 1 kastryčnika 2023 hoda).
Što moža być zamiest standartnych kambinacyj
Zhodna ź litoŭskimi praviłami, na indyvidualnych numarach moža być nie bolš za 6 znakaŭ, adzin ź jakich abaviazkova musić być ličbaj.
Heta tłumačyć, čamu na numarach, aproč słova MIENSK, jość ličba 1.
Pry hetym numarny znak tolki ź ličbami ci navat z adnoj ličbaj taksama maje prava na isnavańnie.
Aproč Audi z numaram MIENSK1, u sacsietkach možna było pabačyć numarnyja znaki GR0DN0, dzie zamiest litary «o» vykarystoŭvajucca nuli.
Inšy aŭtamabil z nazvaj biełaruskaha horada — usiedarožnik BMW, na numarach jakoha napisana P1NSK. Hety numar, u adroźnieńnie ad pieršych dvuch, užo z hierbam.
Pra toje, pa jakich cenach pierapradajuć biełaruskija błatnyja aŭtamabilnyja numary z vaśmiorkaj, možna pračytać tut.
Kamientary