U tyktokieraŭ novy trend: pryjazdžać u aeraport u apošni momant. Šancuje nie ŭsim
U apošni miesiac tyktok achapiŭ trend airport theory («teoryja aeraporta»). Pavodle hetaj teoryi, padarožnikam dastatkova prybyć u aeraport za 15 chvilin da vyletu, kab biez prablem trapić na bort i pry hetym nie pravodzić niekalki hadzin u terminale.
Adnym ź pieršych hetu teoryju pravieryŭ błohier Majkł Dzikastanca. Jon zrabiŭ heta ŭ adnym z samych zahružanych aeraportaŭ ZŠA — Chartśfiłd-Džeksanie ŭ Atłancie.
Tyktokier paśpiachova dabraŭsia da vychadu na pasadku za 14 chvilin 57 siekundaŭ. Pry hetym aŭtar rolika zahadzia prajšoŭ pravierku biaśpieki z dapamohaj TSA PreCheck i nie zdavaŭ bahaž. Praz heta mnohija raskrytykavali videa Dzikastanca.
«U ciabie byŭ PreCheck, ty nie rehistravaŭ torbu i lacieŭ z najbližejšaha terminała? Ciapier paŭtary heta nie ŭ samaj aptymalnaj situacyi», — napisaŭ adzin z kamientataraŭ.
Inšyja błohiery pieraścierahli ad padobnych ekśpierymientaŭ paśla taho, jak spaźnilisia na samalot.
«Usim, chto choča pravieryć «teoryju aeraporta»: nie rabicie hetaha. Ja prapuściła svoj rejs», — zajaviła ŭ roliku dziaŭčyna pa imieni Dženi Kurc.
Znajšłosia mnostva karystalnikaŭ, jakija praviali anałahičny vopyt i paśpieli na rejsy, ale ŭsio adno paraili inšym nie paŭtarać jaho.
«Pravieryli. Amal spaźnilisia na samalot. Dakładna nie rekamienduju», — napisała karystalnica @momlifewithtiff.
U bolšaści videa amierykancaŭ havorka idzie pra ŭnutranyja rejsy. Tamu aŭtaram rolikaŭ nie patrabujecca tracić čas na pašpartny kantrol.
Trevieł-kansultantka Nikol Kampoj Džeksan ličyć, što navat z ulikam hetaha trend nie pryviadzie ludziej ni da čaho dobraha.
«Dastatkova adnaho prapuščanaha rejsa, kab zrazumieć, što heta biessensoŭny i ryzykoŭny trend. Pravierka hetaj teoryi — harantavany sposab spaźnicca», — skazała jana ŭ razmovie z vydańniem People.
Džeksan adznačyła, što vydatna razumieje, čamu ludzi chočuć pravieryć «teoryju aeraporta».
«Vopyt pieralotaŭ staŭ nastolki žachlivym, što ludzi adčajna imknucca pravieści ŭ aeraportach jak maha mienš času. Siadzieć u niazručnych kresłach pobač z razietkami, jakija pracujuć praz raz, jeści pasrednuju i darahuju ježu — usio heta nie vielmi pryjemna. Ja ich razumieju!» — pryznałasia jana.
Adnak ekśpiertka nastojvaje, što pryjazdžać u aeraport varta nie paźniej, čym za hadzinu da vyletu svajho rejsa.
«U aeraporcie možna sutyknucca z mnostvam niazručnaściaŭ: ad dadatkovaj pravierki sumak, zavisłaha kampjutara, jaki zatrymlivaje rehistracyju, da doŭhaj čarhi na dahlad (navat pry najaŭnaści TSA PreCheck). 15 chvilin nie chopić, kab ź imi razabracca», — skazała Džeksan.
Zdajecca, dziaŭčyna znajšła samaje instahramnaje miesca dla adpačynku ŭ Biełarusi. Ale košt hłempinhu nie dla słabaniervovych
«Nie ŭznaharodžvaj siabie ježaj, ty nie žyvioła». Tyktokierki zapuścili trend na chvaravituju chudziznu
«Robiać darosły hołas, chłusiać pra mamu». Navošta minskim školnikam masava spatrebilisia ščaniuki?
«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ
Videa dziaŭčyny z adnoj nahoj zavirusilisia ŭ tyktoku. U jaje kranalnaja historyja
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik11
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje33
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje3
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary
Biełavija zaŭsiody była nie ajs, ale ciapier heta samaja biessensoŭnaja reč u śviecie.
Možna źlotać ŭ jakiś Sarataŭ pa ovierprajsu, kab vyprabavać trend.
Očeń intieriesnyj efekt atrymajecca
M Žvanieckij ..