«Prapanujcie svajo zadańnie». Aŭtarka dziŭnaha čelendža ŭ pamiać pra błakadny Leninhrad patłumačyła svaju pazicyju
Upraŭleńnie sportu i turyzmu Minskaha abłvykankama zapuściła anłajn-čelendž «80 krokaŭ da Pieramohi», prymierkavany da zakančeńnia Druhoj suśvietnaj vajny. Jon pravodzicca z 9 krasavika da 9 maja, a zadańni da jaho vielmi dziŭnyja. Vydańnie «Lusterka» daviedałasia, chto aŭtarka hetaj idei, i zapytałasia ŭ jaje pra matyvacyju.
Aŭtarkaj čelendža akazałasia supracoŭnica Hałoŭnaha ŭpraŭleńnia sportu i turyzmu Minabłvykankama 26-hadovaja Halina Žavarankava. Jana prafiesijna zajmajecca hulnioj u haradki i źjaŭlajecca čatyrochrazovaj čempijonkaj śvietu pa hetym vidzie sportu.
Žurnalist «Lusterka» pad vyhladam zvyčajnaha hramadzianina datelefanavaŭsia da Žavarankavaj z pytańniem, ci nie ličyć jana dziŭnymi hetyja zadańni. Naprykład, jak źviazanaja minimalnaja porcyja chleba ŭ błakadnym Leninhradzie i 125 siekund stajańnia na adnoj nazie z knihaj na hałavie?
«Vy možacie nie ŭdzielničać u čelendžy, kali nie chočacie, — aburyłasia Žavarankava. — Kali nie padabajucca zadańni, prapanujcie inšyja».
Jana taksama dadała, što raspracoŭvała zadańni adnačasova dla darosłych i dziaciej.
«Kab usie mahli paŭtaryć. Dla dziaciej my navat spraścili ŭmovy — stajać na adnoj nazie jany mohuć 40 siekund, a nie 120, jak darosłyja», — zajaviła žančyna.
Čamu ŭdzielnikam nie prapanavali vykanać pieśniu pra vajnu ci raskazać vierš, naprykład?
— My ž spartyŭnaja arhanizacyja, a nie ŭstanova kultury, — adkazała čynoŭnica.
— Ludzi nie skardziacca, nie śmiajucca? Ja adziny, chto aburany? — udakładniŭ žurnalist «Lusterka».
— Nie, nie skardziacca, vy adziny. Adzin čałaviek paśmiajecca, druhi — nie. Prapanujcie svajo zadańnie», — paryravała Žavarankava.
Jana taksama adznačyła, što ŭ čelendžy «paŭdzielničała ŭžo šmat ludziej».
Darečy, pa chieštiehu «#80šahovkpobiedie» možna znajści adnajmiennuju akcyju i ŭ Rasii. Tak, jana prachodzić u Biełharadskaj vobłaści. Tam padletki pieraapranajucca ŭ vajskovuju formu časoŭ Druhoj suśvietnaj vajny, maršyrujuć z savieckim ściaham, śpiavajuć vajennyja pieśni, tancujuć i čytajuć vieršy.
Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja
Dziasiatki adnolkavych aŭtobusaŭ. Jak zvozili ludziej na kancerty niaviestki Łukašenki
«Vźviejtieś kostrami» ŭ inšaj formie viarnułasia ŭ škoły». Što ciapier adbyvajecca ŭ biełaruskaj adukacyi?
U Nacyjanalnym mastackim muziei vystavili pracy Z-mastakoŭ, prykryŭšysia temaj «Vialikaj Ajčynnaj vajny»
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan5
Kamientary