Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja
Prastajać 125 siekund na adnoj nazie z knihaj na hałavie — u pamiać ab 125 hramach chleba ŭ błakadnym Leninhradzie. Što?
Upraŭleńnie sportu i turyzmu Minskaha abłvykankama zapuściła anłajn-čelendž «80 krokaŭ da Pieramohi», prymierkavany da zakančeńnia Druhoj suśvietnaj vajny. Jon pravodzicca z 9 krasavika da 9 maja.
Adno z zadańniaŭ vyhladaje vielmi dziŭna. Treba pratrymacca 125 siekund (a dzieciam — 40 siekund), stojačy na adnoj nazie z knihaj na hałavie i rukami ŭ baki.
Čynoŭniki tłumačać, što heta adsyłka da błakady Leninhrada, kali 125 hramaŭ chleba byli minimalnaj normaj vydačy ŭ samyja ciažkija dni.
«Pamiatajcie: kožnaja siekunda — heta simvał mužnaści tych, chto vystajaŭ u tyja strašnyja dni. Napierad, da pieramohi!» — napisana ŭ aficyjnym akaŭncie ŭ instahramie hetaha ŭpraŭleńnia.
U čelendžy jość i inšyja zadańni. Naprykład, skački «Zorka», kab treniravać vynoślivaść — u pamiać pra kontrnastup pad Maskvoj. Abo chada ŭ paŭprysiadzie — arhanizataram čelendžu heta nahadvaje pra partyzanskija atrady.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary