Nabližany da siłavych struktur Biełarusi telehram-kanał padchapiŭ čarhovuju dezynfarmacyju, nie pasprabavaŭšy jaje pravieryć.
«Na Zapadnom rubiežie» — telehram-kanale Zachodniaha apieratyŭnaha kamandavańnia Uzbrojenych siłaŭ Biełarusi. U im byŭ apublikavany malunak, vielmi padobny da staronki viadomaha ŭpłyvovaha vydańnia The Economist. Na im byccam by nazva artykuła, jakaja z anhlijskaj movy pierakładajecca jak «Top-3 samyja karumpavanyja prezidenty krain Uschodniaj Jeŭropy». Nižej — kałaž sa zdymkaŭ prezidentaŭ Małdovy Mai Sandu, Rumynii Ilije Bałažana i Polščy Andžeja Dudy z paznakaj miescaŭ.
Kanał nie daje nijakaj spasyłki na aryhinał. Pošuk na aficyjnym sajcie The Economist čakana nie daŭ nijakich vynikaŭ. Padobnaj infarmacyi niama i na prastorach anhłamoŭnaha internetu. A voś na zapyt, napisany na ruskaj movie, pošukavik vydaje spasyłki na šerah rasijskich i prarasijskich krynic.
Ich analiz pakazvaje, što fejk źjaviŭsia niekalki dzion tamu. Tak 26 krasavika jaho apublikavaŭ kanał «Trietij učienik Štirlica» u tvitary, aŭtar jakoha raźmiaščaje raznastajnyja satyryčnyja i palityčnyja materyjały, nakiravanyja na dyskredytacyju krain Zachadu i Ukrainy. U nastupnyja dni jon źjaviŭsia na inšych placoŭkach u internecie i ŭ sacyjalnych sietkach.
Admietna, što fejkavy malunak aŭtary telehram-kanałaŭ nie pierapoščvajuć, a raźmiaščajuć na staroncy z ułasnym kamientaryjem, byccam by jany sami adšukali hetuju infarmacyju. Učora z roźnicaj u hadzinu hety fejk źjaviŭsia spačatku ŭ kanale prarasijskaha błohiera z Daniecka Alaksandra Siemčanki (16:25), a zatym jaho apublikavaŭ telehram-kanał «Na zapadnom rubiežie» (17:29).
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?36
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary