Telegram zabłakavaŭ najbujniejšy čat biełarusaŭ Biełastoka. Adbyłasia ataka z rasijskaha numaru
U Telegram zabłakavany čat «Biełastok | Biełastok | Białystok» — najbujniejšaja onłajn-supolnaść biełarusaŭ i ŭkraincaŭ Biełastoka.
Jak paviedamili administracyi čata vydańniu Most, pryčynaj błakiroŭki stała metanakiravanaja ataka z vykarystańniem akaŭnta, zarehistravanaha na rasijski numar. Złamyśnik raźmiaściŭ u čacie nielehalny kantent, što i stała padstavaj dla ŭmiašańnia słužby maderacyi Telegram.
Havorka idzie pra kantent «dla darosłych». Jon byŭ apublikavany a 00:53 17 krasavika.
Parušalnika apieratyŭna zabłakiravali, a kantent vydalili na praciahu paŭhadziny. Tym nie mienš niechta paśpieŭ zrabić skrynšot paviedamleńnia i dasłać skarhu administracyi Telegram. Administratary čata ŭžo źviarnulisia ŭ słužbu padtrymki płatformy i čakajuć adnaŭleńnia pracy ŭ bližejšy čas. Da momantu błakiroŭki ŭ čacie było 7418 padpisčykaŭ.
Čat «Biełastok» byŭ stvorany ŭ 2020 hodzie i pieršapačatkova abjadnoŭvaŭ biełarusaŭ, jakija pakinuli krainu paśla pratestaŭ i represij. Z pačatku poŭnamaštabnaj vajny va Ukrainie da supolnaści dałučylisia i ŭkrainskija biežancy, što pierajechali ŭ Padlaskaje vajavodstva.
Kamientary
Jašče jość ryzyka dla akaŭntaŭ administrataraŭ (časova?) začynienaha čata, a taksama dla inšych čataŭ, u jakich jany administratary. Ałharytmy telehrama pa aŭtamatyčnych banach nie zaŭsiody pradkazalnyja i ich dziejańni amal niemahčyma asprečyć.