Rasijskaja prapahandystka Andrejeva svabodna padarožničaje pa śviecie z pašpartami Čarnahoryi i Handurasa ŭ kišeni
Viadučaja-prapahandystka rasijskaha «Pieršaha kanała» Kaciaryna Andrejeva svabodna padarožničaje pa Jeŭropie dziakujučy tamu, što maje, akramia rasijskaha, taksama hramadzianstvy Čarnahoryi, jakoje atrymała ŭ 2011 hodzie «za zasłuhi», i Handurasa, atrymanaje ŭ 2005 hodzie, mahčyma, praz muža, paviedamlajecca ŭ novym rasśledavańni «Kamandy Navalnaha».
Z hetymi pašpartami Andrejeva moža ŭjazdžać u krainy ES navat paśla pačatku vajny. Naprykład, 6 lipienia 2023 hoda jana vyjechała z Rasii praz naziemnuju miažu ŭ Narviehiju i Finlandyju, choć abiedźvie krainy ŭžo nie vydavali vizy rasijanam.
Pry hetym u efirach Andrejeva rehularna abvinavačvaje Zachad u rusafobii. Naprykład, 6 žniŭnia 2022 hoda jana skardziłasia na pahrozy ruskim u Jeŭropie, a ŭžo na nastupny dzień pajechała ŭ Finlandyju. Praz tydzień paśla viartańnia jana zajaviła pra «jeŭrapiejski kryzis z-za sankcyj».
«Heta nienarmalna, kali ŭžo try ź lišnim hady idzie vajna, a adna z hałoŭnych asob vajennaj prapahandy spakojna padarožničaje pa śviecie i pavodzić siabie jak bieskłapotny trevieł-błohier», — aburajecca «Kamanda Navalnaha».
Jana vykazvaje namier damahacca, kab Andrejevu ŭnieśli ŭ sankcyjnyja śpisy i pazbavili hanarovaha hramadzianstva Čarnahoryi.
Rasijanie, nabližanyja da Kramla, sotniami atrymlivajuć sierbskija pašparty, jakija dajuć biaźviz u Jeŭrasajuz
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym
Ad BNF da HRU. Chto takaja Natalla Sudlankova, jakoj čechi zahadali pakinuć krainu
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary