Iren Rašyfina — dačka biełaruskaj baskietbalistki Lilii Małoj — zakončyła svoj šlach u 15‑m siezonie kulinarnaha telešoŭ MasterChef Italia, jakoje tranślujecca na kanale Sky Uno, piša «Biełaruś i śviet».
Paśla parazy jaje kamandy na čarhovym etapie dziaŭčyna trapiła ŭ «Vyprabavańnie pad ciskam», dzie nieabchodna było pryhatavać technična składanuju stravu — absmažany rys z nyrkami.
Na žal, praz chvalavańnie Iren nie zmahła jak śled skancentravacca: strava ŭ jaje nie atrymałasia ŭdałaj, rys nie trymaŭ formu i nie byŭ dastatkova chrumstkim.
Pa rašeńni sudździaŭ Rašyfina pakinuła prajekt. Tym nie mienš jana dasiahnuła mnohaha, bo ŭvajšła ŭ dziasiatku najlepšych udzielnikaŭ konkursu. Akramia taho, jana nabyła vialiki dośvied i znajšła novych siabroŭ.
U adnym ź intervju paśla pakazu apošniaha epizodu ź jaje ŭdziełam 20‑hadovaja dziaŭčyna, siarod inšaha, raspaviała pra svaju babulu Irynu, jakaja navučyła ŭnučku hatavać draniki.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary