Pratasievič: U mianie niama nijakich pierśpiektyŭ, ja nikomu nie patrebien
Raman Pratasievič, jaki niadaŭna ŭračysta paviedamiŭ pra svajo zvalnieńnie ź Minskaha elektratechničnaha zavoda imia Kazłova, dzie apošnim časam pracavaŭ zvarščykam, jak vyhladaje, paśpiašaŭsia zrabić hety krok.
Svajo zvalnieńnie z zavoda Raman Pratasievič padavaŭ jak «dobruju navinu» i śćviardžaŭ, što jon ciapier «volny čałaviek».
Ale, jak vynikaje ź videazvarotu Pratasieviča, raźmieščanaha ŭ zaviedzienym dva tydni tamu jahonym kanale, u jakim błohier zajaviŭ namier pisać na asabistyja temy, z pošukam novaj pracy ŭ jaho ŭźnikli niemałyja prablemy: admovy atrymlivaje «litaralna ŭsiudy». Nikudy jaho brać nie chočuć, prytym, jak jon śćviardžaje, pryčyna nie ŭ prafiesijnych navykach. Pra toje, u jakich mienavita śfierach jon chacieŭ znajści novuju pracu, Pratasievič, praŭda, nie zhadvaje.
«Heta, miakka kažučy, razdušvaje. Ja nie razumieju, što mnie rabić, dzie mnie pracavać, ja adčuvaju, što ŭ mianie niama litaralna nijakich pierśpiektyŭ, i ja litaralna nikomu nie patrebien», — pryjšoŭ da vysnovy raniej apazicyjny, a ciapier praŭładny błohier.
Takoje stanovišča niehatyŭna ŭpłyvaje na jahony stan: kali vieryć słovam Pratasieviča, rolik jon zmoh navažycca zapisać tolki z čaćviortaha razu, a tak uvohule pastajanna naviedvaje psichaterapieŭta i aktyŭna (4-5 razoŭ na tydzień) chodzić u spartyŭnuju zału, kab choć niejak raźviejacca.
«Pa miedycynskich pakazčykach moj stan vymušaje žadać lepšaha», — kanstatuje Pratasievič i tłumačyć hetym svaju nie vielmi vialikuju aktyŭnaść u internecie. Maŭlaŭ, «časta mnie prosta niama čaho havaryć». Ale ŭsio ž taki spadziajecca siabie pierałamać i pisać svoj «asabisty dziońničak, choć i vielmi depresiŭny».
Raman Pratasievič bolš nie zvarščyk
Pratasievič: Viadomyja vypadki, kali źniavolenyja admaŭlalisia pryznavać vinu i ŭsio adno atrymlivali pamiłavańnie
Stała viadoma, kudy ŭładkavaŭsia na pracu Uładzimir Čudziancoŭ
Pratasievič jeździŭ da Babaryki ŭ kałoniju niekalki razoŭ
Pratasievič: Abmiarkoŭvali z Babarykam Trampa i biełaruskuju apazicyju
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Nu i skramniaha, dziela kaho jašče sadzili ceły samalot i pastavili kryž na biełaruskaj aviacyi?
Usio dziela ciabie. Lubimy baćka hatovy na ŭsio