Biełarusy sabrali amal 2 miljony dołaraŭ na leki dla baranavickaha chłopčyka z SMA
Biełarusy sabrali 1,8 miljona dołaraŭ na adno z samych darahich u śviecie lekaŭ — Zolgensma — dla jašče adnaho chłopčyka z dyjahnazam śpinalnaja myšačnaja atrafija (SMA) — 9-miesiačnaha Sašy Astrohi z Baranavičaŭ.
Zbor srodkaŭ na nabyćcio preparatu dla Sašy jaho baćki pačali 5 miesiacaŭ tamu — 23 listapada 2024 hoda. Achviaravańni pastupali praz roznyja dabračynnyja inicyjatyvy i sacyjalnyja sietki, pryśviečanyja chłopčyku.
Uvieści preparat Zolgensma možna, pakul vaha dziciaci nie pieravyšaje 13,5 kiłahrama.
22 krasavika baćki paviedamili, što na toj momant sabrana 1 255 556,79 dołara, ale Saša ŭžo važyć amal 10,6 kiłahrama. Pavodle ich słoŭ, «vaha hulaje suprać nas», bo času na zaviaršeńnie zboru zastajecca ŭsio mienš.
24 krasavika zbor byŭ zakryty na sumie 1 818 000 dołaraŭ.
U siamji troje dziaciej, Saša — samy małodšy.
U lutym 2024 hoda hrošy na Zolgensma sabrali dla jašče adnoj dziaŭčynki z SMA — 4-hadovaj Lizy Cierabaviec z Mazyra, a ŭ sakaviku amal 1,8 miljona dołaraŭ było sabrana na toj ža preparat dla 3-hadovaj Vieraniki Chyłkoŭskaj z Hrodna.
Śpinalnaja myšačnaja atrafija (SMA) — heta hrupa zachvorvańniaŭ, pry jakich pastupova słabiejuć i atrafujucca ciahlicy noh, šyi, hałavy. Dzieciam z SMA ciažka smaktać, hłytać, trymać hałavu, poŭzać. Chvaroba maje spadčynny charaktar i źviazanaja z parušeńniami ŭ hienach.
U Biełarusi žyvie kala 150 čałaviek z SMA. Štohod u krainie naradžajecca kala 10 dziaciej z hetym dyjahnazam.
Jak žyvuć siemji, jakija sabrali vializnyja hrošy na vyratavalny ŭkoł dla dziciaci
«My z bratam asudžanyja na śmierć». Chłopiec ź Biarozy raskazaŭ, jak vyžyvaje z SMA i na što spadziajecca ŭ nastupnym hodzie
Biełaruskaja siamja za dzień sabrała 1,5 miljona dalaraŭ na lačeńnie syna. Hrošy pieraviała «Santa»
«U mianie samaja darahaja chvaroba ŭ śviecie». Biełaruski stendapier raskazaŭ pra strašnaje zachvorvańnie
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary