U Šviecyi znajšli palavy dziońnik karala Karła XII. Tam jość i pra Biełaruś
U Šviecyi znajšli palavy dziońnik karala Karła XII, jaki vioŭsia im padčas Paŭnočnaj vajny pačatku XVIII stahodździa, jakaja išła ŭ tym liku i na biełaruskich ziemlach, paviedamiŭ na svajoj staroncy ŭ fejsbuku historyk Andrej Katlarčuk. Jon nazvaŭ hetu padzieju archiŭnaj siensacyjaj.
Pa słovach Katlarčuka, u hetym dziońniku siarod inšaha jość natatki šviedskaha karala pra Minsk, Hałoŭčyn, Mahiloŭ, a taksama pra pierachod hietmana kazackaj Ukrainy Ivana Maziepy na bok šviedaŭ.
268‑staronkavaja kniha z natatkami i malunkami, jakija Karł XII ułasnaručna rabiŭ u pachodach, była znojdziena ŭ biblijatecy Hioteborhskaha ŭniviersiteta, paviedamlajuć na sajcie ŭniviersiteta.
«Nichto nie viedaŭ, što jana isnuje», — kaža daśledčyca Antaanieta Hranbierh, jakaja znajšła knihu, kali šukała słavianskija rukapisy ŭ vialikim zbory Hvitfeldtska samlingen (Chvitfielckaja kalekcyja), jaki dahetul nie katałahizavany.
Natatki z knihi achoplivajuć pieryjad ad leta 1707 hoda da vosieni 1717 hoda. Akramia samoha karala, taksama tut rabili zapisy jahonyja pamočniki Karł Pipier i Samuel Okierchielm.
Hranbierh daviedałasia taksama, što ŭ Šviecyi zachoŭvajucca inšyja, raniej viadomyja kopii dziońnika, ale jany nie majuć ilustracyj, što ŭtrymlivajucca ŭ aryhinale.
Abiacajuć, što dziońnik chutka budzie dyhitalizavany i dastupny na staroncy biblijateki Hioteborhskaha ŭniviersiteta.
Ci byŭ Navahradak pieršaj stalicaj VKŁ. 10 faktaŭ pra staražytny horad, jaki adznačyŭ 980 hod
«Słova hasudarava na vas takoje — zahadana palić». Jak rasiejcy razrabavali i spalili Viciebsk: śviedčańnie vidavočca trahiedyi
Rodnym bratam staražytnaj carkvy Navahrudka niečakana akazaŭsia chram z uźbiarežža Estonii — ale nievypadkova
Historyk znajšoŭ u Šviecyi paštoŭku, jakuju padpisaŭ bolš za sto hadoŭ tamu biełarus na eśpieranta
«Kab Torvald byŭ z Razani, hetaja postać daŭno była b daśledavanaja». Andrej Katlarčuk pra isłandskija ślady ŭ Biełarusi
Kamientary