Pucin paskardziŭsia Trampu na «sprobu» Ukrainy atakavać svaju rezidencyju
Pamočnik prezidenta Rasii Uładzimira Pucina Juryj Ušakoŭ prakamientavaŭ apošniuju telefonnuju razmovu svajho načalnika i prezidenta ZŠA Donalda Trampa. Pa jaho słovach, Pucin padčas jaje pierakonvaŭ svajho amierykanskaha kalehu ŭ nibyta vierałomnaści ŭkraincaŭ.
Pa słovach Ušakova, Pucin padčas telefonnaj razmovy źviarnuŭ uvahu Trampa na toje, što «adrazu paśla pieramoŭ» u Fłarydzie Ukraina nibyta sprabavała atakavać rezidencyju prezidenta RF:
«Prezident ZŠA byŭ šakavany hetym paviedamleńniem, u litaralnym sensie aburany, skazaŭ, što navat nie moh padumać pra takija varjackija dziejańni».
Ušakoŭ taksama pracytavaŭ amierykanskaha prezidenta, jaki nibyta skazaŭ, što administracyja ZŠA, «dziakuj bohu, nie davała «tamahaŭki» Kijevu», i paabiacaŭ pamianiać «amierykanskija padychody ŭ pracy ź Zialenskim».
Pucin, pa słovach Ušakova, adznačyŭ, što Rasija ciapier pierahledzić svaju pazicyju i što niekatoryja damoŭlenaści pamiž Trampam i Zialenskim nibyta pakidali Ukrainie «pole dla interpretacyj», kab uchilicca ad uziatych na siabie abaviazacielstvaŭ.
Pra nibyta sprobu načnoj ataki 91 bieśpiłotnikam na rezidencyju Pucina ŭ Naŭharodskaj vobłaści pieršym paviedamiŭ ministr zamiežnych spraŭ Rasii Siarhiej Łaŭroŭ. Prytym jahonyja danyja pra kolkaść bieśpiłotnikaŭ vyrazna supiarečyli źviestkam, jakija ranicaj davała Ministerstva abarony Rasii. Prezident Ukrainy adrazu ž abvierhnuŭ śćviardžeńni Łaŭrova, zajaviŭšy, što hetaj zajavaŭ rasijanie «prosta rychtujuć hlebu dla taho, kab nanieści ŭdary pa stalicy [Ukrainy] i pa dziaržaŭnych budynkach».
Tramp «pazityŭna» pahavaryŭ z Pucinym
«Prosta rychtujuć hlebu, kab nanieści ŭdary». Zialenski abvierhnuŭ abvinavačańnie ŭ atacy na pucinskuju rezidencyju
Rasija abvinavaciła Ukrainu ŭ atacy na rezidencyju Pucina, pahražaje adpłataj
Zialenski: Ukraina choča atrymać ad ZŠA harantyi biaśpieki na 30—50 hadoŭ, Tramp abiacaŭ padumać
Usio, akramia Danbasa i jašče pary punktaŭ. Pra što damovilisia Donald Tramp i Uładzimir Zialenski ŭ Fłarydzie
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary