Pradpryjemstva ŭłaśnika Wargaming Viktara Kisłaha ŭ Rasii pryznali ekstremisckim
Hienprakuratura Rasii prosić Tahanski sud Maskvy zabaranić u Rasii za ažyćciaŭleńnie ekstremisckaj dziejnaści abjadnańnie, jakoje składajecca z uładalnika kampanii «Lesta» Malika Chatažajeva i ŭłaśnika Wargaming Viktara Kisłaha, a taksama spahnać 100% dolaŭ «Lesty» na karyść dziaržavy, pišuć RIA «Naviny»
Hienprakuratura ličyć, što Kisły i Chatažajeŭ stvarajuć ekstremisckaje abjadnańnie i ažyćciaŭlajuć ekstremisckuju dziejnaść na terytoryi RF. U pazovie zajaŭnikam prykładzieny publikacyi z zahałoŭkami «Samaja vajennaja hulnia World of Tanks suprać śpiecapieracyi Rasii», «Jak Wargaming pieražyŭ 25 hadoŭ — i spraviŭsia z vajnoj va Ukrainie», «Wargaming zapuściła dabračynny prajekt z ukrainskim kantentam u hulniach dla zboru na reanimabili».
«Lesta» nakiravała pryvatnuju skarhu na vyznačeńnie Tahanskaha rajonnaha suda ŭ častcy abskardžvańnia zabieśpiačalnych mier pa pazovie prakuratury, jakija pryviali da błakiroŭki rachunkaŭ i zabarony jurydyčnych dziejańniaŭ. Kiraŭnictva «Lesty» nastojvaje, što miery źjaŭlajucca praźmiernymi i nanosiać škodu dziejnaści kampanii.
«Lesta» ŭdzielničaje ŭ prajektach, pryśviečanych padrychtoŭcy da śviatkavańnia 80-hodździa Pieramohi ŭ Vialikaj Ajčynnaj vajnie, realizuje ŭnikalny ŭ suśvietnaj kibierspartyŭnaj industryi Parad Pieramohi na Čyrvonaj płoščy ŭ hulni «Śviet tankaŭ», pravodzić pieršyja kibierspartyŭnyja spabornictvy na fiederalnym telebačańni pad nazvaj «Kubak Pieršaha kanała. Śviet tankaŭ» i mižnarodny kibierspartyŭny turnir pa rasijskaj hulni «Śviet tankaŭ» u ramkach śviatkavańnia Dnia Pieramohi ŭ Biełarusi z rekanstrukcyjaj tankavych bajoŭ suprać nacysckaj Hiermanii, havorycca ŭ skarzie.
Viktar Kisły zaniaŭ 8-je miesca ŭ Topie-100 biznesoŭcaŭ Biełarusi za 2025 hod. Raniej jon nie raz hety rejtynh uznačalvaŭ.
U 2016 hodzie Kisły byŭ taksama pryznany aficyjnym dalaravym miljarderam vydańniem Bloomberg.
U pačatku krasavika źjaviłasia infarmacyja, što saŭładalnika «Varhiejminha» Mikałaja Kacałapava abvinavačvajuć u danatach na 296 tysiač dalaraŭ strukturam ruchu za svabodnyja vybary ŭ Biełarusi. Suprać jaho zaviali śpiecvytvorčaść.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?7
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary