Ukraina pieradała Rasii pałonnaha biełarusa, letaś zachoplenaha ŭ Łuhanskaj vobłaści
Ukraina ŭ miežach abmienu pałonnymi 6 maja pieradała Rasii hramadzianina Biełarusi Dźmitryja Anančyka ź Minska, jakoha ŭ śniežni 2024 hoda zachapili padčas bajoŭ u Łuhanskaj vobłaści, daviedałasia «Radyjo Svaboda».
Jak paviedamili «Radyjo Svaboda» va ŭkrainskim prajekcie «Chaču žyć», Dźmitryj Anančyk byŭ u liku 205 pałonnych rasijskich vajskoŭcaŭ, jakich Ukraina pieradała Rasii na terytoryi Biełarusi. Rasijski bok pieradaŭ Ukrainie takuju ž kolkaść ukrainskich pałonnych.
Ciapier Dźmitryj Anančyk, jak i ŭsie rasijskija pałonnyja, znachodzicca na terytoryi Biełarusi. Pakul niama dakładnaj infarmacyi, ci zastaniecca jon u Biełarusi. Viadoma, što ŭ Minsku jaho čakajuć baćka, brat i piacihadovy syn.
Zhodna z paviedamleńniem Ministerstva abarony Rasii, ciapier usim rasijskim vajskoŭcam u Biełarusi akazvajuć «nieabchodnuju psichałahičnuju i miedycynskuju dapamohu, a taksama mahčymaść źviazacca z svajakami». Paźniej «usich vyzvalenych vajskoŭcaŭ pieraviazuć u Rasiju na lačeńnie i reabilitacyju ŭ miedycynskija ŭstanovy Ministerstva abarony Rasii».
Va ŭkrainskim prajekcie «Chaču žyć» nie vyklučyli, što rasijskich vajskoŭcaŭ, jakich siońnia pieradali, kamandavańnie moža znoŭ nakiravać u tak zvanyja «miasnyja šturmy». Pavodle infarmacyi ŭkrainskaha boku, «reabilitacyju» vyzvalenyja rasijskija pałonnyja buduć prachodzić u padmaskoŭnaj vajskovaj čaści 27-j asobnaj motastrałkovaj bryhady, dzie ich spačatku dapytajuć pradstaŭniki FSB, potym jany atrymajuć tydzień adpačynku, a paśla znoŭ buduć adpraŭlenyja na front.
Dźmitryj Anančyk rodam ź Minska, naradziŭsia ŭ 2000 hodzie, da vajny pracavaŭ u łahistyčnych i budaŭničych kampanijach. Maje siaredniuju śpiecyjalnuju adukacyju pa śpiecyjalnaści «tokar-ślesar».
Jak raskazaŭ sam Dźmitryj Anančyk padčas znachodžańnia ŭ pałonie, u Łuhansk jon pryjechaŭ pa pracy i ŭ kancy śniežnia 2024 hoda musiŭ užo viartacca ŭ Biełaruś, ale jaho «schapiła palicyja i zaviezła ŭ adździaleńnie», kudy zvozili «nielehałaŭ roznych nacyjanalnaściaŭ».
Pavodle słoŭ biełarusa, jaho nibyta prymusili padpisać kantrakt z Uzbrojenymi siłami Rasii, a 19 śniežnia jon užo trapiŭ va ŭkrainski pałon, kali vykonvaŭ «pieršaje zadańnie». Jon słužyŭ šarahovym strałkom.
24-hadovy biełarus trapiŭ va ŭkrainski pałon. Jak jon apynuŭsia na vajnie?
Ukraina i Rasija praviali abmien pałonnymi pa schiemie «205 na 205»
Źnikły na vajnie sieryjny rabaŭnik ź Biełarusi znajšoŭsia va ŭkrainskim pałonie
Rasijanie rasstralali biełarusa, jaki admoviŭsia iści na «miasny šturm» va Ukrainie
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary